Карл Маркс
Карл Маркс (нѣм. Karl Heinrich Marx; *5. май 1818, Тревир, Кральовство Пруссия — †14. марец 1883, Лондон, Велика Британия) — нѣмецкый филозоф, политичный публициста, критик класичной економии, теоретик роботницкого руху, социализму и комунизму. Идеи Маркса достали назву марксизм и досправды лишили глубокый слѣд в истории.
Карл Маркс | |
---|---|
Karl Heinrich Marx | |
Псевдонім | Glückskind |
Прозывка | Maurice |
![]() фото з рока 1875 | |
Познатый як | отець теорий научного социализма, доданой вартости и класового боя |
Горожанство | Кральовство Пруссия, апатрид |
Уроджѣня | мая 5., 1818 |
Тревир, Кральовство Пруссия | |
Упокоеня | марца 14., 1883 (64 р.) |
Лондон, Споене кральовство | |
Причина | пухлина плюц[1] |
Похованя | Могила Карла Маркса 680 |
Научна робота | |
Сферы наук | економика, филозофия, социология, история, класовый бой, природны наукы |
Ученый ступень | доктор филозофии, 1841[2] |
Главны роботы | Комунистичный манифест, Капитал, Економично-филозофичны рукописы |
Узнаня | |
Членство в | Royal Society of Arts[3] |
Одзнакы | |
![]() | |
Карл Маркс на Викискладѣ VIAF:49228757; GND:118578537; LCCN:n79006935; FAST:30215; BNF:11914934t; OL:OL48230A; Ту можуть быти податкы з Wikidata, не контролованы авторами статѣ |
Биография
едітоватиЗачаток карьеры
едітоватиБыв старшый выжившый хлопець (два его старшы братя умерли) межи девятьма дѣтми в родинѣ успѣшного адвоката, высокообразованого чоловѣка, котрый интересовав ся Кантом и Волтером и быв участником политичного живота в Пруссии. Яко шѣстьрочный быв покрещеный в лутеранской церкви, але омного векшый од религийного мали на него вплыв радикалны социалны идеи. Уж во школѣ быв дискриминованый через свое еврейске походжѣня, а то вызначило его негативне поставлѣня ку религии и тужбу по социалных перемѣнах.[1] Зачав штудовати право на универзитѣ в Бонну (1835), але пак перешов на престижнѣйшу универзиту Фридриха-Вилгелма в Берлинѣ (1836).
В року 1841 обгаив докторску роботу на универзитѣ Йены.[2] В року 1842 зачав робити в либералных новинках Rheinische Zeitung (Ринскы новинкы), неодовго став ся их редактором.[1] Хоть новинкы держали ся в рамках дозволеного, говорили о дѣлах неприкрыто, а были по року закрыты реакчнов пруссков владов.
Револучны рокы
едітоватиВ року 1843 побрав ся з Дженни, о четыри рокы старшов од него аристократков, чия цѣла родина была против того, окрем Дженниного отця, котрый быв социалистично наставеный и быв од Карла в захватѣ. Молоды одышли на бываня до Парижа, што быв тогды центром социалистичного руху. Ту спознав ся з Фридрихом Енгелсом, своим еднодумником, а въедно выступовали зоз статьями в Нѣмецко-французском рочнику, де первый раз появили ся его надале часто цитованы слова о религии як «опиумѣ про народ», и его вызвы на «повстаня пролетариату». В року 1845 быв з Парижа выказаный на жадость прусской влады, а одышов до Белгии, де зрюк ся свого прусского державлянства.[1]
Ту въедно з Фридрихом Енгелсом створив меджинародну организацию роботникох Комунистична Лига, во фебруарѣ року 1848 опубликовав памфлет Комунистичный манифест, котрый лондонскы комунисты нараз прияли як свой манифест,[1] и котрый став ся програмным документом марксизма.[4]
Во Франции, Италии, Австрии выбухла револуция, револучна влада позвала Маркса до Парижу, якраз вчас, бо го белгийска влада ладила выказати з Белгии.[1]
Коли револуция перешла до Австрии, Маркс вернув ся дому и зачав выдавати револучны Neue Rheínische Zeitung (Новы ринскы новинкы), финансованы буржоазиев. В тот час въедно з Енгелсом пропаговали думку, же на пролетарску револуцию еще не пришов час, Комунистичный манифест треба одкласти на полицю, Комунистичну Лигу роспустити, а домогати ся конштитучной демокрации. Коли револучна габа зачала спадати, а краль зликвидовав Прусску Асамблею в Берлинѣ, Маркс вызвав люд ку зброи, на што буржоазия закрыла финансованя новинок, а сам Маркс быв поставленый перед суд за ряд вин, меджи котрыма была и тота, же пропаговав неплачѣня даней. Суд го оправдав, але такой выказав з державы яко не маючого державлянства.[1]
Выгнанцьом в Лондонѣ
едітоватиВ маю 1849 одышов до Франции, але и тамошна постреволучна влада го выказала, в августѣ 1849 одышов до Лондона, де прожив цѣлу другу половку свого живота. В року 1864 Маркс став ся организаторм и вождьом меджинародного роботницкого Интернационала.[4]
Интернационал 1869 вырос до 800 тысяч членох, але во веджѣню зачали ся сперекы, Маркс быв обвиненый, же хоче зрядити властну диктатуру над роботницкым рухом; на конгресѣ в року 1872 Марксу удало ся поразити опонентох и выгнати их з организации, але одтогды организация упадала и остаточно была роспущена в року 1876.[1]
При погребѣ Маркса на теметовѣ Гайгейт Енгелс повѣв же Маркс зробив два великы одкрытя: закон розвою людского сполоченства и закон руха капитализма; але передо вшиткым быв он револуционарь, найвеце ненавидженый и ганеный чоловѣк свого часу, а умер любеный, честованый и оплакованый милионами револучных роботникох.[1]
На гробѣ Маркса суть написаны два вызнамны цитаты з его творох: «Роботници вшиткых земель, спойте ся» (з Комунистичного манифеста) и «Филозофы лем объясняли свѣт розличныма способами, але цѣль е тота, обы го змѣнити» (з Тез о Фойербаху).
Родина
едітовати- отець, Гиршел Маркс (Hirschel Marx, 1777-1838, адвокат, конвертовав з юдаизма на лутеранство)
- мати, Генриетта (Henrietta, 1787-1863, з рабинской родины)
- жена, Дженни фон Вестфален (Jenny von Westphalen, побрали ся 1843, †1881, з аристократичной родины военных и урядникох)
- дѣвка Дженни (Jenny, на прозывку "Jennychen", 1844-1883, оддана за Шарла Лонге, Charles Longuet)
- дѣвка Лаура (Laura, 1845-1911, оддана за Пола Лафарга, Paul Lafargue)
- сын Едгар (Edgar, 1847-1855, туберкулоза)
- сын Гайнрих Гвидо (Heinrich Guido, 1849-1850)
- дѣвка Франциска (Franziska, 1851-1852)
- дѣвка Елеонора (Eleanor, на прозывку "Tussy", 1855-1898, партнерка Едварда Евелинга, Edward Aveling)
Служниця:[1]
- Гелена Демут (Helene Demuth)
- сын Фредерик (Frederick, 1851, Енгелс при смерти одкрыв Елеонорѣ, же его отець быв Маркс; сын одданый до сиротинця)
Подля непотвердженых жерелами информаций, Карл и Дженни мали в року 1857 еще едно дитинча, котре умерло скоро по породѣ, безименне. В пореволучных роках 1849-1863 родина жила барз худобно.
Од року 1964 их финанчна ситуация ся полѣпшила, достали наслѣдство по смерти матери: того року перейшли до лѣпшого дому, а зачали у себе споряджати балы. Року 1869 Енгелс продав часть свого бизнеса, выплатив вшиткы Марксовы довгы (за лондонскы рокы было того 210 либер) и порядив му пензию во вышцѣ 350 либер рочно. Тота сума умѣстила родину меджи горны 2% бритского обывательства.[6]
Марксизм в сучасности
едітоватиНайвекшой славы заслужив собѣ Маркс в добѣ ествованя «социалистичного табора» краин под контролов СССР: быв он честованый як «учитель и вождь меджинародного пролетариата», котрый указав «людству путь ку комунистичному оновлѣню свѣта».[7]
В сучасности вшак марксизм утратив авториту ай у абсолутной векшины комунистичных партий свѣта.[8]
Жерела и одказы
едітовати- УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. ISBN 5-88500-002-6, сс. 341-342.
- Карл Маркс. // Большая Советская Энциклопедия русс.
- Маркс, Карл. // Энциклопедия Кругосвет русс.
- Lewis S. Feuer, David T. McLellan: Karl Marx, German philosopher. // Encyclopaedia Britannica. англ.
- Karl Marx. // Датабаза Notable Names. англ.
- Gary North: Marx jak ho málokdo zná чеш.
Референции
едітовати- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Lewis S. Feuer, David T. McLellan.
- ↑ 2,0 2,1 Энциклопедия Кругосвет
- ↑ https://www.wikidata.org/wiki/Q15271633#sitelinks-wikipedia
- ↑ 4,0 4,1 УСЭС.
- ↑ Датабаза Notable Names.
- ↑ Penze od Engelse. // Gary North: Marx jak ho málokdo zná.
- ↑ Большая Советская Энциклопедия
- ↑ Римашевская Н.М., Галецкий В.Ф., Овсянников А.А. Население и глобализация. — М.: Наука, 2004. — С. 133