Falande

'U mito de Falande rappresendate jndr'à 'u Borghe Andiche de Tarde

Falande jè 'na figure d'a mitologgie greche, ecista de le colone Partheni ca avenèvane da Sparta.

Figghie de Arato, seconde 'a leggende, 'a figura soje jè fortemende legate a 'a cetate de Tarde, purcé, seconde 'a leggende Falanto avessà essere 'u funnatore effettive de l'andica colonie spartane.

Conde Strabone ca jndr'à l'urteme decennie d'u VIII sechele n.C., duranne 'a lunghissime uerre addò Sparta ere 'mbegnate condre 'a vicine Messenia, le femmene spartane mettèrene in uardie le uemmene lore da 'u pericole conseguende a 'u fatte ca lore, pe mandenè 'u giuramende legate a quedda uerre, erane lundane da le mugghiere lore e da 'a cetate lore: Sparta rischiave de no avè cchiù 'na generazione de uagnune de uerriere e lore avessere aggite de conzeguenze. Preoccupate le Spartiati acconzendirene ca le Perieci (cetadine ca non ge godevane de tutte le deritte politece proprie de le Spartiati), avenèrene autorizzate a aunirse a le femmene e a fà figghie (illegittime, ditte pò 'Parthenii', e destinate de conzeguenze a vivere emarginate in condizione subalterne).

Avenìe 'u mumende ca ste Partherni, guidate da Falanto, organizzarene 'na sommosse inzieme a le schiave, pe avè da l'aristocrazie le deritte negate a lore: 'a sommosse fallì e no putenne le rivoltose essere condannate a morte a 'u pare de le schiave, avenèrene obbligate a lassà 'a cetate a 'a ricerche de terre nuève.

Falanto conzultò apprime de partì l'Oracole de Delfi, a 'a ricerche de 'nu response sus a 'u proprie future, 'u quale sentenziò:
"Popolate 'a terra grasce de le Iapige e addevendate 'a rovina lore."
Pò Falanto cercò 'nu sione da 'u ciele pe capì quanne avera ewssere 'u mumende opportune e l'oracolo sentenziò:
"Quanne a vedè chiovere da 'u ciele serene, a conguistà territorie e cetate."

Arrevate a le terre de le Iapigi, le Partheni non ge riuscirene a avè 'a megghie sus a le indigene, ma se limitarene a pigghià possesse d'u promondorie de Saturo. Le ambiziune però erene maggiore e Falanto, disperate, se scettò 'mbrà le vrazze d'a mugghiere ca accumenzò a chiangere e a vagnarle cu le lacrime sue. Falanto allore, arrecurdanne ca 'u nome d'a mugghiere Ethra tène pe significate "cielo sereno", penzò ca l'oracolo s'avère avverate e guidò le uerriere sue verse l'endroterre funnanne Tarde (richiamanne a 'u nome de l'eroe greche-iapigio d'u luèche).
Jndr'à 'u frattimbe ca le indigene scèvene a Brinnese, Falanto putè accussì finalmende costituì in Itaglie 'na colonie lacedemone, rette da le legge de Licurgo.

In seguite a condraste cu le concetadine (per seditionem), Falanto avenìe scacciate cu ingratitudine da Tarde e se rifuggiò a Brinnese, proprio da le Iapigi ca avère sconfitte. Addà murìe e recevìe da le sue ex nemice 'n'onorate brucamende.

Sus a 'u lette de morte, però, Falanto vulìe fa bbuène a le ingrate concetadine sue: convingìe le brinnesine a scettà le cenere sue jndr'à chiazze de Tarde, purcé accussì facenne s'avessere assicurate 'a conguiste de quedda cetate. Invece l'oracolo avère predette a Falanto ca Tarde avesse remaste inviolate ce le cenere sue avessere remaste indre a le mure. Accussì Falanto, ingannanne le brinnesine facìe 'nu favore a le tarandine, ca da quidde mumende le renderene omagge dovute a 'n'eciste.

Bibbliografije

• Dumeneche Musti, Strabone e la Magna Grecia. Città e popoli dell'Italia antica, Esedra editrice, Padova 1994, ISBN 88-86413-07-6
• Felice Presicci, Falanto e i Parteni. Storia, Miti, Leggende sulla colonizzazione spartana di Taranto, Piero Lacaita Editore, Tarde 1990
• E. Lippolis, S. Garraffo, M. Nafissi (a cura di), Taranto. Culti greci in Occidente. Fonti scritte e documentazione archeologica, Istituto per la storia e l'archeologia della Magna Grecia, Tarde 1995.
• Benedetta Rossignoli, L'Adriatico greco: culti e miti minori, (Adrias; 1) L'Erma di Bretschneider, Rome 2004, ISBN 88-8265-277-7

'Ndruche pure

• Tarde
• Saturo
• Storie de Tarde
• Personalità legate a Tarde