Jume
![](http://upload.wikimedia.org/wikipedia/commons/thumb/3/33/Ponte_Vecchio.jpg/220px-Ponte_Vecchio.jpg)
![](http://upload.wikimedia.org/wikipedia/commons/thumb/d/de/Astrachan_Volgadelta.jpg/220px-Astrachan_Volgadelta.jpg)
'U jume jè 'nu corse d’acque perenne (no ge vèje maje 'n'secche) ce scè prengepalmènde jndr'â superficie me ca pòte ccu esse pe' 'na vanne sutterranee; pòte ccu esse alimendate da le precipitazione chiovose, d'ô squagghamènde de neve o ghiacciaje o da le falde idriche ca se iacchijene d'abbasce 'a terre. D'a sorgende 'u jume accumenze ccu scènne verse valle cu 'na pendenze ce pòte ccu cange a lle 'nderne de 'nu spazzie fisecamènde delimitate da spartiacque (pure jidde ce pòte ccu cange jndr'ô timbe) a percorse preferenziale, ditte litte, ca costituisce 'u funne de 'na valle, ca otre no g'ète ca 'u resultate d'a fatije d’erosione quagghiate da 'u jume stesse jndr'ô corse de millenne.
Sciumorfologgije
[cange • cange 'a sorgende]'U punde addò 'u jume nàsce (addò l'acque esse da 'u terrene) jè 'a sorgende. Duranne 'u percorse suve verse 'u vasce, ad 'u jume se pòtene ccu aunìsce otre corse d'acque, ca stonne ccu forme le affluende suve. 'U jume spicce, ce no ge se cunde quacche picche case, jndre 'nu cuèrpe idreche recettore, cumme 'nu laghe, 'nu mare o 'nu otre jume. 'U punde jndre cui 'u jume spicce jndr'ô cuèrpe recettore jè 'a foce sove.
'U jume normalmènde tène 'na pendenze cchiù granna jndr'â lle prime stuèzze nnande 'a sorgende, e chiane chiane ca se scènne de ìertezze 'a pendenze devende sembre cchiù piccele, accussì cumme 'a velocetate. Quiste andamènde longitudenale pigghie 'u nome de profile d'u jume. Ce 'stè 'nu profile ideale, 'u profile d'equilibbrie, ca 'stè rappresende 'a situazione jndr'â quale no g'ète né erosione né mmanghe sedimendazione pe' totte 'a longhezze d'u jume. Ce 'u profile riale jè deverse da quidde d'equilibbrie, jndr'â lle vanne jndre cui 'u prime jè cchiù ìrte d'u seconne avvène erosione, a smerse avvène sedimendazione.
'A forze de lle acque jè accussì gruèsse ca pòte ccu squagghie 'a chianghe e ccu trascine co' sé detrite de varije dimenzione: chianghe, legne e otre residue vegetale, fanghe, réne. Nnande ccu agghie superate le scése cchiù ripide, 'u jume accumenze ccu mene 'nderre detrite sembre cchiù piccele e, 'na vôte arrevate 'nchianure, lasse sule réne, fanghe e materiale assaje piccele.
'A quandetate d'acque ca se iacchije jndre 'nu jume se mesure cu 'a purtate, ce jè 'u volume d'acqua ca scè attraverse 'na vanne trasversale d'u jume jndr'â ll'unetate de timbe. Jè difficele assaje ca quèste sije costande, jndr'â cchiù granna vanne de le case se pòtene ccu distingue ttréde situazione:
- magre, jndr'â lle periode cchiù secche, quanne jndr'ô jume se iacchije sule picche acque;
- morbide, jndr'â lle periode umide, jndre cui jndr'ô jume se iacchije assaje acque;
- chiene, quanne se iacchije 'na quandetate assaje granne d'acque tale ccu inonde vanne ca normalmènde sonde asciutte.
Ce se conzidere 'na vanne trasversale d'u jume, se pòte ccu acchije
- 'u litte d'u jume, ce jè 'u terrene sus a 'u quale l'acque scè;
- l'alvee, jè 'a vanne d'a sezione trasversale occupate da 'u flusse de l'acque (essenne 'a purtate cangiabbele, s'avranne da potè distinguere alvee de magre, alvee de morbide e alvee de chiene);
- le argine, ca no sembre se iacchijene, ca sonde doje rilieve d'u terrene parallele a ll'alvee, ca 'ô scucchiáne; pòtene ccu esse naturale (furmate d'a deposizione a le late d'u flusse d'u materiale traspurtate) o artificiale, quagghiate ccu condène 'u flusse jndre a lòre ccu evite ca jidde inonde le vanne ca 'ô circunnane;
- 'a valle o 'a chianure alluvionale, ce jè 'u territorie jndr'ô quale 'u jume scè: jndr'ô prime case jè 'na 'ngisione a forme de V jndr'ô territorie ca 'ô circunne, ccrejète da l'erosione d'u jume e de le precipitazione, pe' quise 'a pendenze de le versande jè cchiù granna quanne jè cchiù granna 'a combattezze d'u terrene; jndr'ô seconne case jè 'na chianure furmate da le sedimènde depositate le une sus a lle otre da le chiene d'u jume.
- 'a rive destre e 'a rive mmanghe: 'ndrucànne jndr'ô senze d'a direzione d'addò jidde scè.
'U bacine de 'nu jume, pe' spiccià, combrenne totte l'aree jndr'â quale l'acque de le precipitazione se raccogghie, grazzie ad 'ô scorrimènde e a lle affluende, jndr'ô jume stesse.
'Nu corse d'acque quanne subbisce granne cangiaminde de purtate, tale ca jndre alcune periode de l'anne pòte ccu rumane asciutte, pigghie 'u nome de jumarìdde.
Bibbliografije
[cange • cange 'a sorgende]- P. Casati e F. Pace, Scienze d'a Terre, volume 2 - L'atmosfere, l'acque, le clime, le suole, CittàStudi edizione, Meláne, 1996
'Ndruche pure
[cange • cange 'a sorgende]Ambiende naturale
[cange • cange 'a sorgende]Sciuloggije e Sciumorfologgije
[cange • cange 'a sorgende]Elemènde d'u tracciate fluviale
[cange • cange 'a sorgende]- Gole (sciugrafije)
- Forre
- Meandre
- Barre
- Chiane alluvionale
- Rasche
- Zumbe
- Canale de deflusse
- Pozze
- Forme de funne
Classefecazione de le corse d'acque
[cange • cange 'a sorgende]- Corse d'acque a canale 'ndrecciate
- Corse d'acque rettilinee
- Corse d'acque pseudomeandriforme
- Corse d'acque meandriforme
- Corse d'acque anastomizzate
Tipologgije
[cange • cange 'a sorgende]Listère
[cange • cange 'a sorgende]Otre pruggette
[cange • cange 'a sorgende]Uicchimedie Commons tène files multimediale sus jume
Collegaminde fore a Uicchipèdie
[cange • cange 'a sorgende]- Osservatorije sus a le Jume de le Marche - Raccolte datère ed educazione ambiendale