Archiv culturel d’Engiadin’ Ota
L’ Archiv culturel d’Engiadin’ Ota es ün’instituziun publica chi ramassa documainta da l’Engiadin’ Ota e da las regiuns cunfinantas. Quella renda accessibla la cultura in sieus divers aspets e metta a dispusiziun la documainta als circuls interessos. Daspö la fundaziun da l’Archiv culturel d’Engiadin’ Ota / Kulturarchiv Oberengadin als 11 avuost 1988, haun pudieu gnir piglios incunter u cumpros approximativmaing 500 relaschs e dunaziuns chi consistan da documaints davart l’art, l’architectura, lingua, musica, istorgia natürela etc.
![](http://upload.wikimedia.org/wikipedia/commons/thumb/8/89/Samedan_Bibliothek_der_Stiftung_Planta.jpg/220px-Samedan_Bibliothek_der_Stiftung_Planta.jpg)
![](http://upload.wikimedia.org/wikipedia/commons/thumb/3/3e/Kulturarchiv_Depot_02.jpg/220px-Kulturarchiv_Depot_02.jpg)
Traunter las archivalias principelas pudains numner il relasch da famiglia da la dinastia da meidis Berry da San Murezzan, 3 000 chartas da las famiglias Puonz, Curtin, Fonio - pastiziers e bierers, il relasch fotografic da Gustav Sommer da Samedan, il quêl consista da ca. 40 000 negativs davart l’ Engiadina, il relasch da l’architect Max Alioth da San Murezzan, quel dal pittur decorativ Kasper Donatsch e quel da la pittura artista bregagliotta Elvezia Michel.
L’Archiv da culturel d’Engiadin’ Ota as rechatta in Chesa Planta a Samedan, ün chesamaint patriziel fabricho dals Salis dal 1593. La Fundaziun de Planta chüra la chesa, il museum da cultura d’abiter, la Biblioteca rumauntscha, l’archiv dals Planta ed organisescha diversas activiteds, scu exposiziuns, concerts e referats.
Colliaziuns
modifitgar- La pagina del'Archiv culturel d'Engiadin'Ota (tudestg)
- Retschertga
- Ramassà durant 30 onns truvaglias da l'Engiadin'Ota, RTR 10.08.2018.