چینی بولی

چینی
Chinese / 汉语
بولن والے دیس:	چین، ہانگ کانگ، سنگاپور، مکاؤ
بولن والے:	1 ارب 30 کروڑ
بولی ٹبر:	خینی تبتی

چینی اک بولی دا ناں اے جیڑی چین تے کئی ہور دیساں وچ بولی جاندی اے۔ جگ دی لوک گنتی دا پنجواں جصہ اینوں بولدا اے۔ ایہ اصل وچ ہان چینیاں دی بولی اے تے چینی تبتی بولیاں وجوں اک اے۔چینی نوں چین، تائیوان، ہانگ کانگ، مالائیشیا، مکاؤ، فلیپائنز، آسٹریلیا، انڈونیشیا، ماریشیس، پیرو، کینیڈا تے امریکہ چ بولیا جاندا اے۔

چینی بولی اک وڈے تھاں تے بولی جاندی اے تے اینج ایدیاں ک‏ی پڑبولیاں وی نیں: مینڈارن چینی، وو چینی، یو چینی، زیانگ چینی، ہکا چینی گان چینی تے من چینی

تریخ

چینی سینو-تبتی بولیاں دے ٹبر دی اک بولی اے۔ بولی دے گروواں دا خیال اے کہ چینی تے تبتی پہلاں اکو بولیاں سن مگر ہلے تک اوناں نوں ٹھیک طریقے توں جوڑیا نئیں جا سکیا۔ پرانی چینی 1122 قبل مصیح توں لے کے 256 قبل مصیح تک بولی جاندی سی۔ پرانی چینی شبداں دے اتے زور لان نال مطلب بدلی سی تے اج کل دی چینی، جپانی، ویتنامی تے کورین رسم الخط نوں ویکھ کے پرانی چینی دے بارے چ کافی کج پتا چلیا اے۔

مڈلی چینی بولی سوئے، تانگ تے سونگ ٹبر دی حکومت دے ویلے بولی جاندی سی(6 صدی توں 10 صدی عیسوی تک)۔ مڈلی چینی دے بارے چ بولی گروواں نوں زیادہ پتہ اے۔ اس دی وجہ اے وے کہ مڈلی چینی اج کل دی چینی دے نال زرا رلدی ملدی اے تے اس توں علاوہ ڈکشنریاں تے دوجیاں کتاباں دی مورت چ وی کافی معلومات لبیاں نیں۔

اتلے-چڑدے چین چ مینڈارن چینی بولی جاندی اے تے لیندے تھلویں پاسے کئی لہجے بولے جاندے سن۔ اس دی وجہ اے وے کہ اتلے پاسے ہموار زمین اے تے تھلویں لیندے پاسے پعاڑ تے دریا نیں۔ جس دی وجہ توں لوکاں دا پھرن ٹرن کٹ سی تے زیادہ لہجے بن گۓ۔

عام چینی بول

چینی	پنجابی	ہانزی (چینی لپی)	رومن
نی	توں	你	nǐ
ہاو	چنگا	好	hǎo
یی	اک	一	yī
تا	وڈا	亣	dà
پو	نا	不	bù
کھوؤ	موں	口	kǒu
پائی	چٹا	白	bái
نئیو	کڑی/مادہ	女	nǚ
مائا	کوڑا	马	mǎ

گنتی

چینی	نمبر	ہانزی (چینی لپی)	رومن
صفر	0	零	líng
یی	1	一	yī
ار	2	二	èr
سان	3	三	sān
سۓ	4	亖	si
وو	5	五	wǔ
لیو	6	六	liù
چی	7	七	qī
پا	8	八	bā
چھیو	9	九	jiǔ
شئ	10	十	shí

جملے

چینی (رومن)	پنجابی
Nǐ hǎo	اسلام علیکم!
Wò hěn hǎo。	میں ٹھیک آں۔
Nǐ hǎo ma؟	تواڈا کی حال اے؟

چینی بولیاں

مینڈارن · وو · یو · زیانگ · ہکا · من