چڑھدا ترکستان
(مشرقی ترکستان توں مڑجوڑ)
چڑھدا ترکستان (ایغور بولی:چڑھدا ترکستان ؛ ایغوریہ) جسنوں ایغورستان وی آکھیا جاندا اے ، وسطی ایشیا دے ترکستان علاقے دا چڑھدا حصہ اے تے ایہ ہن دے چین دے سنکیانگ ایغور خودمختار علاقے تے مشتمل اے ۔ ایس علاقے وچ 80 لکھ ایغور مسلمان ، 70 لکھ ہان چینی تے 15 لکھ قازق تے دوجے 16 اقلیتی گروہ رہندے نیں ۔
![](http://upload.wikimedia.org/wikipedia/commons/thumb/3/3c/Map_of_language_areas_of_Xinjiang.png/250px-Map_of_language_areas_of_Xinjiang.png)
![](http://upload.wikimedia.org/wikipedia/commons/thumb/b/bb/%D9%88%D8%B4%DA%A9%D8%A7%D8%B1%D9%84%D8%A7_%D8%A7%DB%8C%D8%B4%DB%8C%D8%A7_1870.png/350px-%D9%88%D8%B4%DA%A9%D8%A7%D8%B1%D9%84%D8%A7_%D8%A7%DB%8C%D8%B4%DB%8C%D8%A7_1870.png)
تریخ
سودھو9ویں صدی عیسوی تک ایہ علاقہ وکھریاں خاناناں دا حصہ رہیا تے فیر چین دے ٹانگ ٹبر دی حکومت دا حصہ بن گیا ۔ اس علاقے وچ مقامی بادشاہت خانان کاراخانی 840ء توں 1212ء تک قائم رہی ۔ وسطی ایشیا تے 13ویں صدی عیسوی ج منگول حملے دے بعد توں ایہہ علاقہ خانان چغتائی چ شامل رہیا ۔ 17ویں صدی دے اخیر چ ایہہ علاقہ مختلف منگول گروہاں وچ ونڈیا گئیا ۔ 1757ء توں 1759ء دے وچکار ژونگاراں دی شکست دے مگروں ایہ چین دی چنگ سلطنت دا حصہ ، بن ، گیا ۔