Sarasin

La paròla sarasin a ven dal latin saracenus, che a soa vira a ven dal grech sarakenos. A restava na denominassion genérica ch'as dasìa ant l'Età ëd mes cristian-a a j'àrabo. A smija che a l'adoss a fussa ël nòm ëd na popolassion ch'a stasìa an sle rive dël gòlf d'Aqaba. Ij cristian a-j ciamavo ëdcò ij mòro, përchè a vnisìo an particolar da l'Àfrica setentrional (ël Màgreb); vàire topònim dl'Età ëd mes a atesto soa presensa: për esempi Monts des Maures (anté ch'as son anstalasse dl'883) an Provensa, Puymore ant ël Delfinà, Fontainemore an Val d'Osta, Morian-a an Savòja.