Dutch Caribbean Nature Alliance
![](http://upload.wikimedia.org/wikipedia/commons/thumb/5/58/Quill_dormant_vulcano.jpg/270px-Quill_dormant_vulcano.jpg)
Dutch Caribbean Nature Alliance (Aliansa pa Naturalesa di Caribe Hulandes, DCNA) ta un organisacion di cooperacion regional pa conserva, sostene y fortalece naturalesa den Caribe Hulandes. Su enfoke ta pa asisti e organisacionnan di parke nacional na Aruba (ACF), Boneiru (STINAPA), Corsou (CARMABI), Saba (Saba Conservation Foundation), Sint Eustatius (STENAPA) y Sint Maarten (Nature Foundation St. Maarten).
E mision di DCNA ta pa salba e biodiversidad y promove conservacion duradero, tanto pa e recursonan biologico terestre como marino. Pa haci esaki, DCNA ta desaroya fuentenan sostenibel di financiamento manera un fondo fiduciario, construi capacidad pa medio di tayernan di entrenamento y promove e naturalesa sumamente bunita y unico, cu ta extende for di e mondinan exuberante te e rifnan di coral y duinnan di santo blanco. Recursonan biologico ta e base di un di e fuentenan principal di entrada riba e islanan: turismo di naturalesa. Ademas di enfoca riba e maneho sostenibel di e areanan protegi existente, DCNA ta contribui tambe na aumenta e concientizacion y conocemento di e balor di naturalesa.
Organisacion
[editá | editá fuente]Dutch Caribbean Nature Alliance ta un fundacion no-gubernamental sin lucro cu a wordo forma na 1998 y oficialisa na 2005.[1] E ta ser finansiá pa "Nationale Postcode Loterij" di Hulanda y e Ministerio Hulandes di Asuntonan Económico. E sede principal di DCNA ta na Boneiro. Presidente di directiva ta Hellen van der Wal y desde 2022 Arno Verhoeven ta director.
Prinses Beatrix ta patrocinado di DCNA.
Wak tambe
[editá | editá fuente]Link externo
[editá | editá fuente]Referensia
|