RAIZ

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

---

RAIZ (referiendo na "reis" di mata) ta un partido politico di Aruba, funda dia 9 di juni 2017 pa Tai-Foo Lee y Ursell Arends, kende ta lider di partido. Raiz ta un partido centrista cu un caracter social-democratico y progresista. E partido ta distingui su mes di e partidonan tradicional mediante un cultura inovativo di hiba campaña y politica. Puntonan di enfoke di e partido ta finansas publico y transparencia di gobernacion. Lema di e partido ta "sembrando futuro".

RAIZ
Imagen desea: RAIZ
Personanan
Presidente di  partido	Maximino Wernet
Lider di partido	Ursell Arends
Asiento
Asiento den parlamento	2 / 21 (25 di juni 2021)
Historia
Fundacion	Tai-Foo Lee Ursell Arends 9 yüni 2017
Informacion basico
Activo na	Aruba
Lema	Sembrando futuro
Color	■ greis scur
Website oficial

RAIZ ta miembro di Gabinete Wever-Croes II y ta forma parti di Parlamento di Aruba desde 2021.

Eleccion 2017

RAIZ a participa pa prome biaha den eleccion parlamentario na 2017. E partido a ricibi 2.107 di en total 58.652 voto valido, faltando menos di 100 voto pa por segura un asiento den parlamento.

Eleccion 2021

Durante eleccion parlamentario na 2021, RAIZ a logra 5474 voto di en total 58.610 voto valido. E partido a logra segura dos asiento den parlamento y a drenta coalicion cu partido MEP pa forma Gabinete Wever-Croes II. E partido a drenta tanto parlamento como coalicion pa prome biaha.

Pa e temporada gubernamental 2021-2025, RAIZ su miembronan den parlamento ta Misha Raymond y Raymond Kamperveen. Misha Raymond ta lider di fraccion di RAIZ den parlamento tambe. RAIZ a contribui cu dos minister den e gabinete aki, esta Ursell Arends y Geoffrey Wever. Arends ta responsabel pa ministerio di Transporte, Integridad, Naturalesa y Asuntonan di Adulto Mayor. Wever ta responsabel pa ministerio di Economia, Comunicacion y Desaroyo Sostenibel.