Dia di Boneiru
Dia di Boneiru, tambe konosí komo Dia di Himno i Bandera, ta wòrdu selebra anualmente riba dia 6 di sèptèmber na Boneiru. Riba e dia aki na 1499 e isla a wòrdu deskubrí pa Alonso de Ojeda i Amerigo Vespucci.[1] Dia di Boneiru ta un dia liber ofisial i ta wòrdu konsiderá komo dia nashonal boneriano.
![](http://upload.wikimedia.org/wikipedia/commons/thumb/c/cf/Bonaire_wapen.svg/220px-Bonaire_wapen.svg.png)
Historia
editáOfisialmente a kuminsa selebra Dia di Boneiru riba 6 di sèptèmber na aña 1985. Promé ku esei tabata selebra Dia di Himno i Bandera riba 15 di desèmber, ku tabata un dia liber pa selebra Dia di Reino (hulandes: Statuutdag of Koninkrijksdag).[2][3] Desde 1985 e dia liber a wòrdu muda di 15 di desèmber pa 6 di septèmber. Na e selebrashon na aña 1986 a develá ofisialmente e eskudo di Boneiru.[4]
Selebrashon
editáE programa di selebrashon ta konsistí di aktonan ofisial na Passangrahan ku kantamentu di himno i hisamentu di bandera, siguí pa un desfile.[5] Anualmente ta duna e selebrashon un tema i ta rekonosé algun hende komo "siudadano di honor" pa nan trabou eksepshonal pa komunidat boneriano.[6] Durante kurso di e dia ta organisá aktividatnan musikal, kultural i deportivo na Plasa Wilhelmina i den sentronan di bario.
Tambe na Hulanda kontinental (Oropa) Dia di Boneiru ta wòrdu selebra ku aktividat i eventonan den siudatnan manera Tilburg i Rotterdam.
Mira tambe
editáFuente, nota i/òf referensia
|