Kung iisipin, minsan kailangan muna na’ting makatikim ng mga pasakit o mabigo ng ilang beses bago na’tin makamit yung mga inaasam-asam natin. Tulad ng nangyari kay Charice noon, marami muna siyang sinalihan na singing contest, bago n’ya nakamit ang kinakatayuan n’ya ngayon.

---

Hindi ako ma-showbiz na tao, pero hindi ko talaga mapigilang kalkalin lagi ang loob ng Youtube. Nagbabakasakali na baka may bago na namang video si Charice na inuulan ng mga komento.

Nakakatawa nga lang isipin na minsan mga Pilipino rin ang nagbabatuhan ng mga pangit na salita. Kahit pa alam na naman nating parte na iyon ng pagiging kilala o sikat ng isang tao tulad ni Charice . Kapag nakakabasa ako ng mga panget na komento napapailing at napapatanong na lang “bakit maraming tao na kahit alam nilang makakasakit, may makomento lang!”.

Maiisip mo din, kung comment nga dito sa blog madami na paano pa sa sikat na nilalang? lol.

Sa ibang banda, hindi na talaga mapigilan ang pag-usad ng kasikatan ni Charice. Hindi na lang siya dito sa ‘Pinas kilala kundi sa Amerika na at sa buong mundo dahil na rin sa Youtube.

Ikaw ba naman ang makilala nila Oprah, David Foster, Adrea’ Bocelli, Celine Dion, at iba pa, ewan ko lang kung hindi ka sumikat.

At masayang isipin na may bago ng kanta si charice na kinanta n’ya sa after party ng Oscars na may title ng “Fingerprint.”

Kung iisipin, minsan kailangan muna na’ting makatikim ng mga pasakit o mabigo ng ilang beses bago na’tin makamit yung mga inaasam-asam natin. Tulad ng nangyari kay Charice noon, marami muna siyang sinalihan na singing contest, bago n’ya makamit ang kinakatayuan n’ya ngayon.

Pero sabi nga nila, hindi na’tin makakamit ang tagumpay kung di tayo marunong tumayo sa pagkakatapilok. At hindi rin natin matutupad ang pangarap na’tin kung di tayo magsisikap at susubok. Mas lalo na kung wala tayong inspirasyon tulad ng pangarap na magiging gabay sa pag-abot.