ନୀଳାଦ୍ରିବିହାର

ନୀଳାଦ୍ରିବିହାର ପ୍ରାଥମିକ ବିଦ୍ୟାଳୟ

ନୀଳାଦ୍ରିବିହାର ସ୍ଥିତ ଇସାନେଶ୍ଵର ମନ୍ଦିରର ମୁଖ୍ୟ ଫାଟକ

ନୀଳାଦ୍ରିବିହାର ହାଉସିଂ ବୋର୍ଡ କଲୋନୀଟି ଭୁବନେଶ୍ଵର ଚନ୍ଦ୍ରଶେଖରପୁର ରାଜସ୍ୱ ମୌଜା ଅଧୀନ ଏକ ଉପକଣ୍ଠ।

ଅବସ୍ଥିତି

ବୁଦ୍ଧ ପାର୍କ

ବୁଦ୍ଧ ପାର୍କ

ବୁଦ୍ଧ ଆର୍ଟ ଗ୍ୟାଲେରୀ

ଏହି ଅଞ୍ଚଳଟି ଚନ୍ଦ୍ରଶେଖରପୁର ପେଟ୍ରୋଲ ଟାଙ୍କିଠାରୁ ଡମପଡା ଜଙ୍ଗଲ ପର୍ଯ୍ୟନ୍ତ ୨ ବର୍ଗ କିଲୋମିଟର ଜମିରେ ବ୍ୟାପୀ ରହିଥିବାବେଳେ ଏହିରେ ସେକ୍ଟର ୧ ଠାରୁ ୫ ପର୍ଯ୍ୟନ୍ତ ରହିଛି । ଏଥିରେ ଲୁମ୍ବିନୀ ବିହାର , ଆପୋଲୋ ବିହାର , ହାଉସିଂ ବୋର୍ଡ କଲୋନୀ , ଡିଫେନସ କଲୋନୀ ଆଦି ରହିଛି । ଏଠାରେ ୩୦୦୦ ଘର ରହିଥିବାବେଳେ ୨୬୦୦୦ ରୁ ଅଧିକ ଲୋକ ବସବାସ କରୁଛନ୍ତି । ଏହାର ଅନତି ଦୂରରେ ଡିଷ୍ଟ୍ରିଟ ସେଣ୍ଟର, ବିଡିଏ କଲୋନୀ, ଶୈଳେଶ୍ରୀବିହାର , ଡ଼ିଏଭି ସ୍କୁଲ,ସରସ୍ଵତୀ ଶିଶୁ ବିଦ୍ୟା ମନ୍ଦିର, ସରକାରୀ ପ୍ରାଥମିକ ବିଦ୍ୟାଳୟ, ସରକାରୀ ପ୍ରାଥମିକ ସ୍ଵାସ୍ଥ କେନ୍ଦ୍ର, ବୁଦ୍ଧ ଜୟନ୍ତୀ ପାର୍କ , ବୁଦ୍ଧ ଆର୍ଟ ଗ୍ୟାଲେରୀ , ମଧ୍ୟ ଭାଗରେ ଇଶାନେଶ୍ଵର ଶିବ ମନ୍ଦିର, ଆର୍ମି ୱେଲଫେୟାର ଆସୋସିଏସନ , ପଦ୍ମପାଣି ବିହାର ଆଦି ରହିଛି ।

ଇତିହାସ

୧୯୯୧ ମସିହାରେ ଏହି କଲୋନୀର ଶୁଭାରମ୍ଭ ହୋଇଥିଲା । ବିଡ଼ିଏ ଗୃହ ନିର୍ମାଣ କରି ପ୍ରଥମରେ ୫୦୦, ଦ୍ଵିତୀୟରେ ୫୦୦ ଓ ତୃତୀୟରେ ୯୦୦ ଗୃହ ଯୋଗାଇ ଦେଇଥିଲା । ୧୯୦୦ ପରିବାର ରହୁଥିବା ବେଳେ ଧୀରେ ଧୀରେ ପରିବାର ସଂଖ୍ୟା ବୃଦ୍ଧି ପାଇଛି । ପ୍ରଥମରୁ ମାତ୍ର ୫୦୦ ଲୋକ ରହୁଥିବା ବେଳେ ଏବେ ତାହା ୨୬୦୦୦ରେ ପହଞ୍ଚି ଗଲାଣି ।

ପର୍ବପର୍ବାଣି ଓ ସାଂସ୍କୃତିକ କାର୍ଯ୍ୟକାମ

ଗଣେଶ ମନ୍ଦିର, ନୀଳାଦ୍ରିବିହାର

ଏଠାରେ ଅନେକ ପର୍ବ ପର୍ବାଣି ପାଳନ କରାଯାଏ । ଗଣେଶ ପୂଜା, ଦୂର୍ଗା ପୂଜା, କାର୍ତିକେଶ୍ଵର ପୂଜା,ଜନ୍ମାଷ୍ଟମୀ, ଦୋଳ ପୁର୍ଣିମା, ଜାଗର, ଅଗ୍ନି ପୁର୍ଣିମା ଓ ଗଜଲକ୍ଷ୍ମୀ ପୂଜା ଆଦି ବଡ ଧୁମଧାମରେ ପାଳନ କରାଯାଏ ।