Pòl celèst
![](http://upload.wikimedia.org/wikipedia/commons/thumb/c/c3/Steve_Ryan_-_Stars_around_Polaris_-_Day_62_%28by-sa%29.jpg/300px-Steve_Ryan_-_Stars_around_Polaris_-_Day_62_%28by-sa%29.jpg)
En astronomia, los dos pòls celèstes tenon los punts de l'esfèra celèsta vèrs que puntan l'axe de rotacion de la Tèrra e a l'entorn de que lo cèl semble doncas virar. Aqueles pòls celèstes son de punts de referéncia importants pels astronòms e los geografs e la determinacion de lor posicion sus la copòla celèsta es fondamentala. L'axe de rotacion de la Tèrra es pas fixe amb lo temps, atal la posicion dels dos pòls celèstes vària al cors del temps. Par exemple, fa gaireben 14 000 ans, foguèt l'estela Vega que determinèt lo pòl nòrd celèst, e serà coma aquò dins gaireben 12 000 ans.
Pòl nòrd celèst
[modificar | Modificar lo còdi]![](http://upload.wikimedia.org/wikipedia/commons/thumb/c/ca/Ursamajor-guide.jpg/220px-Ursamajor-guide.jpg)
L'estela polara se tròba èsser una estela brilhanta actualament prèp del pòl nòrd celèst. Sa declinason es actualament de 89° 15'. Doncas se situa a mens d'un gra (un còp e mièg lo diamètre aparent de la Luna) del pòl nòrd celèst. A causa de la precession dels equinòccis va correspondre de mai en mai al pòl nòrd celèst al cors del sègle XXI.
Pòl sud celèst
[modificar | Modificar lo còdi]I a pas d'estela brilhanta marcant lo pòl sud celèst. Sigma Octantis es l'estela pus prèpa, mas es pas especialament remirabla (sa magnitud aparenta es de 5,5). Es pus practic d'utilizar la Crotz del Sud que las estelas Acrux e Gacrux (respectivament basa e somet de la crotz) forman una linha que prolongada dins lo sens Gacrux Acrux de 4,5 còps la distància los separant permet d'aténher un punt prèp del pòl sud celèst.
Vejatz tanben
[modificar | Modificar lo còdi]- Granda Orsa
- α Ursae Minoris (estela polara)
- Crotz del Sud