Fluid supercritic
Lo tèrme fluid supercritic designa, en quimia fisica, un estat de la matèria que correspònd a l'estat d'un liquid somés a una pression e a una temperatura fòrta, en delà de son ponch critic. Dins aquel estat, sei proprietats fisicas son intermediàrias entre aquelei dei liquids e dei gas. A donc l'aspècte d'un fluid similar a un liquid ordinari mai es capable de se difusar coma un gas a travèrs un solid ò de dissòudre de compausats solubles coma un liquid.
Aquel estat es fòrça rar a la superficia terrèstra mai es de còps observat au nivèu de certanei fumaròlas oceanicas caudas[1]. En revènge, dins lo rèsta dau Sistèma Solar, seriá frequent entre lei planetas gasosas. Lei jaç bas de l'atmosfèra de Vènus son egalament compausats de dioxid de carbòni a l'estat supercritic.