Bassline Boys

Bassline Boys èra un grop bèlga de musica electronica « house » nascut a la fin de las annadas 1980 emblematic del genre new beat, compausat en particular de Fabian Van Messen e Marc Neuttiens.

En 1988, Bassline Boys publica Warbeat, lor primièr 45 torns qu'escampolona declaracions dels protagonistas de la Segonda Guèrra Mondiala. Se pòt ausir per exemple la celèbra frasa de Winston Churchill « Give us the tools, and we will finish the job » o encara Adolf Hitler, lo repic de Warbeat essent « Adolf Adolf you're going to pay ». Aquel single sulfurós Warbeat a fòrça fach parlar d'el, sustot en França dins l'emission « Ciel, mon mardi ! » animada per Christophe Dechavanne. Seguida a la polemica, Bassline Boys enregistra lo títol On se calme. Reprenon alavetz dins aqueste tròç d'extraches de la dicha emission « Ciel, mon mardi ! » ambe de segur d'escapolons de la votz de Christophe Dechavanne (« On se calme »), tan plan lo repic de Warbeat « You're going to pay ». La musica, ela, conteng un escapolon del tube house Rok da house dels Beatmasters.

On se calme foguèt tre sa sortida un dels tròces new beat los mai difusats en ràdio e en discotèca, e un quite tube fin 1989 en França. Aital, On se calme es devengut l'un dels tròces emblematics de la new beat.