Experiéncia
Una experiéncia es una procedura menada per verificar, validar ò refutar una ipotèsi. En foncion deis ipotèsis que son estudiadas, lei mejans necessaris a la conducha d'una experiéncia presentan de variacions importantas d'un enfant que pòu verificar solet la casuda deis objèctes au sòu a de còlas internacionalas gropant de miliers de personas durant plusors annadas ò decennis.
Concèpte centrau dei sciéncias modèrnas, la definicion de l'experiéncia e sa necessitat foguèron pauc a pauc definidas a partir de l'Antiquitat e son usatge se generalizèt a partir dau sègle XVII. Sa premiera definicion modèrna foguèt l'òbra dau quimista francés Michel-Eugène Chevreul (1786-1889) qu'introduguèt l'idèa de « metòde experimentau » dins la recèrca scientifica.