Juli II
Juli II (5 de decembre de 1443, Albisola - 21 de febrier de 1513, Roma) foguèt lo 216en papa de la Glèisa Catolica dau 1èr de novembre de 1503 au 21 de febrier de 1513. Succediguèt a Piu III (1503) e foguèt remplaçat per Leon X (1513-1521.
![](http://upload.wikimedia.org/wikipedia/commons/thumb/a/af/Pope_Julius_II.jpg/220px-Pope_Julius_II.jpg)
Desirós d'establir leis Estats Pontificaus coma la premiera poissança italiana, participèt activament ai Guèrras d'Itàlia en combatent Venècia (1508-1509) e França (1511-1512). Per aquò, mobilizava totei lei ressorsas de sa foncion e esitèt pas a utilizar lei poders espirituaus de la papautat còntra seis enemics personaus. En parallèl, assaièt de reformar la Glèisa qu'èra en crisi dempuei lo sègle XIV en causa deis angoissas novèlas de la populacion, de la corrupcion dau clergat e de l'afebliment de l'autoritat morala de la papautat. En 1512, convoquèt ansin lo cinquen concili de Latran, mai leis evesques mau capitèron de trobar una solucion, çò que menèt quauqueis annadas après sa mòrt a la Reforma protestanta iniciada per Luther. Enfin, Juli II foguèt un important mecènas e protegiguèt d'artistas coma Bramante e Miquèl Àngel.
Liames intèrnes
modificarBibliografia
modificar- (fr) Ivan Cloulas, Jules II, le pape terrible, París, Fayard, 1990.