George Mallory

George Herbert Leigh Mallory (18 de junh de 1886, Mobberley - 9 de junh de 1924, Mont Everest) es un alpinista britanic. Interessat per l'alpinisme tre leis ans 1910, realizèt l'ascension dau Mont Blanc en 1911. En 1921, participèt a una expedicion de reconoissença britanica destinada a identificar un camin d'accès vèrs la cima dau Mont Everest. En setembre d'aquela annada, descurbiguèt lo Còl Nòrd e identifiquèt un passatge realizar l'ascension complèta. En 1922, en refusant l'utilizacion d'oxigèn, arribèt a 8 000 m d'altitud^[1]. Pasmens, una avalanca tuèt sèt Sherpas e Mallory foguèt accusat d'èsser responsable de la catastròfa.

Après aquela revirada, organizèt una campanha ais Estats Units per obtenir lei sòus necessaris a l'organizacion d'una expedicion novèla. Poguèt ansin participar a una expedicion novèla en 1924. Moriguèt durant l'ascension amb Andrew Irvine (1902-1924). Segon Noel Odell (1890-1987), lei dos òmes an probablament agantat la cima mai aquò es pas demostrat^[2]. Son cadabre foguèt descubèrt en 1999 per una expedicion estatsunidenca a 8 290 m sus la fàcia nòrd de la montanha. Una tombada grèva sembla a l'origina de la mòrt.

Liames intèrnes

Everest.
Imalaia.

Bibliografia

(en) Jochen Hemmleb e Eric Simonson, Detectives on Everest: The 2001 Mallory and Irvine Research Expedition, The Mountaineers Books, 2001.

Nòtas e referéncias

↑ (fr) Charlie Buffet, « À l'assaut des cimes », Le 1, n° 260, 14 d'aost de 2019.
↑ En 1933, un piolet apartenent a Irvine foguèt descubèrt a 8 460 m. En 1975, un alpinista chinés declarèt aver vist lo cadabre d'un alpinista britanic (Irvine ?) a proximitat de la cima mai aquò es pas confiermat.

[1] (fr) Charlie Buffet, « À l'assaut des cimes », Le 1, n° 260, 14 d'aost de 2019.

[2] En 1933, un piolet apartenent a Irvine foguèt descubèrt a 8 460 m. En 1975, un alpinista chinés declarèt aver vist lo cadabre d'un alpinista britanic (Irvine ?) a proximitat de la cima mai aquò es pas confiermat.

[1]

[2]