Dracon
Dracon († vèrs 600 avC) es un magistrat e legislator atenenc dau segle VII avC. Eissit de la classa dels Eupatridas, foguèt encharjat de reformar las leis de la ciutat durant la segonda mitat dau segle VII avC, probablament pendent los ans 620 avC. Aquò menèt a la redaccion d'un còdi penau fòrça severe que prevesiá la pena de mòrt per la mager part dels crimes[1]. Pasmens, las reformas de Dracon introguèron doas novetats importantas. La premiera èra l'adopcion d'un drech escrit e publicament afichat dins la vila[2][3]. La segonda èra una lei sus l'omicidi que fasiá una diferéncia entre lo murtre, volontari, e l'omicidi, involontari.
![](http://upload.wikimedia.org/wikipedia/commons/thumb/7/7f/Republicaiton_of_Draco_Law_on_homicide_-_408-409_BC.jpg/220px-Republicaiton_of_Draco_Law_on_homicide_-_408-409_BC.jpg)
Las intencions de Dracon son pas clarament coneigüas. Èran probablament inscrichas dins un contexte de violéncias privaas importantas. D'efiech, una consequéncia majora de sas reformas foguèt l'acceptacion de l'arbitratge de l'Estat per gerir los conflictes entre ciutadans. La mager part d'aquelas leis foguèron reformaas per Solon en 594 avC. Aquò es sovent interpretat coma un signe dau succès de son òbra legislativa e de la reconoissença de l'autoritat estatala. Pasmens, la lei sus l'omicidi, encara a l'epòca de Demostènes, foguèt conservaa. La resta de la vida de Dracon es desconeigüa.
Liames internes
modificarBibliografia
modificar- (fr) François Lefèvre, Histoire du monde grec antique, París, Le Livre de Poche, coll. « Références », 2007.
- (de) Eberhard Ruschenbusch, « ΦΟΝΟΣ: Zum Recht Drakons und seiner Bedeutung für das Werden des athenischen Staates », Historia: Zeitschrift für Alte Geschichte, vol. 9, n° 2, 1960, pp. 129-154.
Nòtas e referéncias
modificar- ↑ (fr) François Lefèvre, Histoire du monde grec antique, París, Le Livre de Poche, coll. « Références », 2007, p. 158.
- ↑ (fr) Mogens Herman Hansen (trad. Serge Bardet), La Démocratie athénienne à l'époque de Démosthène. Structure, principes et idéologie, París, Belles Lettres, 1993, p. 58.
- ↑ (en) Karl-J. Hölkeskamp, « Written Law in Archaic Greece », Proceedings of the Cambridge Philological Society, n° 38, 1992, pp. 87-117.