Histouaithe d'la Nouormandie
Ch't' articl'ye fut c'menchie en Jèrriais
|
![](http://upload.wikimedia.org/wikipedia/commons/thumb/6/6c/Tapisserie_bato1.jpg/220px-Tapisserie_bato1.jpg)
L' histouaithe d'la Nouormandie (Cotentinais : Histouère de la Normaundie) raconte la criâtion et l'histouaithe d'la Nouormandie.
Y'avait eune provînche au Nord-Vouêt d'la Gaule tch'avait nom Neustrie. Les Vikings arrivîtent dans les 790-800 et lanchîtent des attaques sus les côtes. En 841 Rouën fut attatchi et ches Vikings ménichaient Paris. En 867 lé Rouai d'France, Charles Nueue-Tête, accordit auve lé Rouai d'Brétangne, Salomon, d'èrnonchi l'comté du Cotentîn en faveu des Brétons pouor bein qu'ches'-chîn gardîssent lé pays d's attatchants Vikings. Épis en 911 un chef (jarl) des Vikings tch'avait nom Rollon accordit auve lé Rouai d'France, Charles lé Sîmpl'ye, d'atchilyi l'comté dé Rouën et à san tou garder l'engoulême dé la Seine et atchilyi la Chrêtchienneté en s'bâptîsant. V'là tch'est lé c'menchement du Duché d'Nouormandie, ouaithe qué l'titre dé Duc né fûsse porté d'vant R'chard II d'Nouormandie.
Les Nouormands continnuîtent d'êlaîsi lus tèrritouaithe. En 924, i' prîntent l'Hiémouais lé Pays d'Auge et l'Bessîn, épis en 933 l'Cotentîn, l'Avranchîn et l's Îles d'la Manche.
Et en 1066 Dgillaume lé Contchéthant d'vînt lé Rouai d'Angliétèrre auprès la Batâle dé Hastings.
Eune manniéthe dé commonwealth Anglio-Nouormand duthit jusqu'en 1204 quand l'Rouai Ph'lippe Aûdguste dé France prînt la Grand' Tèrre du Rouai Jean l'Bouon d'Angliétèrre. Dépis chu temps-là la Nouormandie a 'té divisée politiquement entré la Nouormandie continnentale et la Nouormandie însulaithe sénon qu'les grôsses têtes des deux bords ont êprouvé d'rêunni les pays d'mouoyen militaithe:
![](http://upload.wikimedia.org/wikipedia/commons/thumb/7/73/SeineMaritimed%C3%A9c2004_120.jpg/220px-SeineMaritimed%C3%A9c2004_120.jpg)
Duthant la Dgèrre dé Chent Ans, les forches Angliaîches r'otchupîtent des contrées d'la Grand' Tèrre 1346-1360 et 1415-1450. Des Français otchupîtent Jèrri en 1338, 1380-1382, 1461-1468. La dreine êpreuve dé contchéthi Jèrri fut la Batâle dé Jèrri en 1781.
Généralitaés
[amendaer | modifier le wikicode]La Grand' Tèrre d'pis la Révolution
[amendaer | modifier le wikicode]En 1790 la Grand' Tèrre fut quartellée en dêpartéments: