When the Wind Blows

When the Wind Blows

Regi	Jimmy Murakami
Produsent(ar)	John Coates
Manus	Raymond Briggs
Basert på	When the Wind Blows
Stemme­skodespelar	Peggy Ashcroft, John Mills, Robin Houston
Musikk	Roger Waters
Utgjevingsdato	24. oktober 1986, 20. november 1986 (Tyskland), 6. februar 1987 (London), 30. oktober 1987 (Canada), 11. mars 1988 (USA), 1986
Lengd	81 minutt
Opphavsland	Storbritannia
Språk	engelsk
Sjanger	dramakomedie, dramafilm

When the Wind Blows er ein animert film som kom ut i Storbritannia i 1986. Filmen er basert på den grafiske novella med same namn av Raymond Briggs. Filmen var regissert av Jimmy Murakami og hadde stemmer av John Mills og Peggy Ashcroft.

Filmen var det andre samarbeidet til Briggs med TVC, etter at dei hadde laga The Snowman i lag i 1982. Han vart distribuert av Recorded Releasing i Storbritannia og Kings Road Entertainment i USA. Ein oppfølgjar av Briggs, Ethel and Ernest (1998), gjorde det klart at Briggs baserte hovudpersonane i When the Wind Blows på hans eigne foreldre.

When the Wind Blows er ei blanding av teikna animasjon og «stop-motion»-animasjon. Hovudrollene Jim og Hilda Bloggs er teikna, medan heimen deira og dei fleste lekamane er verkelege ting som sjeldan vert flytta, men som vert animert med «stop motion» når dei vert.

Filmmusikken inneheld musikk av Roger Waters og David Bowie (som song tittelsongen), Genesis, Squeeze og Paul Hardcastle.

Oppsummering

When the Wind Blows omhandlar eit atomåtak på Storbritannia frå Sovjetunionen sett frå det pensjonerte paret, Jim og Hilda Bloggs. Familien Blogg lever i landlege Sussex og er forvirra omkring omstendet og kor alvorleg situasjonen deira er. Denne forvirringa vert stundom nytta til å skape ein lett komedie, i tillegg til mørkare element. Etter kvart som filmen går framover vert ting stadig meir håplause då paret vert råka av effektane av strålingssjuke. Filmen sluttar særs dyster, medan paret bed i tilfluktsrommet sitt før dei døyr.

Heilt mot slutten av rulleteksten kan ein høyre ein morsekode som stavar «MAD».

Filmmusikk

When the Wind Blows Filmmusikkalbum av Forskjellige artitar, Roger Waters og The Bleeding Heart Band
Utgjeve	16. mai 1986
Innspelt	Vintere 1985
Sjanger	dramakomedie, dramafilm
Lengd	45:36
Selskap	Virgin Records
Komponist	Roger Waters
Produsent	Roger Waters David Bowie Hugh Cornwell Peter Hammond Paul Hardcastle Squeeze
Roger Waters-kronologi
The Pros and Cons of Hitch Hiking (1984)	When the Wind Blows	Radio K.A.O.S. (1987)
Singlar frå When the Wind Blows
«When the Wind Blows» Utgjeve: 27. oktober 1986

Meldingar
Karakter
Kjelde	Karakter
AllMusic

Innhald

Filmmusikkalbumet er delt i to, der Roger Waters og The Bleeding Heart Band framfører alle songane på side B av den opphavlege B-sida, medan resten av albumet er andre artistar. David Bowie skreiv tittelsporet og Genesis ein instrumental, «The Brazilian», som bere finst her.

På somme versjonar av albumet vert alle Roger Waters-songane sett i saman til eitt enkelt spor på 24 minuttar. Teksten til avslutningssongen «Folded Flags» inneheld ein referanse til songen «Hey Joe» og tekstlinjene «Hey Joe, where you goin' with that gun in your hand?», der Waters syng «Hey Joe, where you goin' with that dogma in your head?»

Side 1

Nr.	Tittel	Låtskrivar(ar)	Artist	Lengd
1.	«When the Wind Blows»	Bowie, Erdal Kizilcay	David Bowie	03:35
2.	«Facts And Figures»	Edgar Sampson	Hugh Cornwell	4:19
3.	«The Brazilian»	Tony Banks, Phil Collins, Mike Rutherford	Genesis	4:51
4.	«What Have They Done?»	Chris Difford, Glenn Tilbrook	Squeeze	3:39
5.	«The Shuffle»	Hardcastle	Paul Hardcastle	4:16

Alle songar er skrivne av Roger Waters og framført av Wates og The Bleeding Heart Band.

Side 2

Nr.	Tittel	Lengd
6.	«The Russian Missile»	0:10
7.	«Towers of Faith»	7:00
8.	«Hilda's Dream»	1:36
9.	«The American Bomber»	0:07
10.	«The Anderson Shelter»	1:13
11.	«The British Submarine»	0:14
12.	«The Attack»	2:53
13.	«The Fall Out»	2:04
14.	«Hilda's Hair»	4:20
15.	«Folded Flags»	4:51

Medverkande

The Bleeding Heart Band

• Roger Waters – bassgitar, akustisk gitar, vokal på «Towers of Faith» og «Folded Flags»
• Jay Stapley – gitar
• Snowy White – gitar
• John Gordon – bassgitar
• Matt Irving – klaverinstrument, orgel
• Nick Glennie-Smith – piano, orgel
• John Linwood – Linn-programmering
• Freddie Krc – trommer, perkusjon
• Mel Collins – saksofon
• Clare Torry – korvokal på «Towers of Faith»
• Paul Carrack – klaverinstrument og vokal på «Folded Flags»

Kjelder

• Denne artikkelen bygger på «When the Wind Blows (film)» frå Wikipedia på engelsk, den 7. mars 2011.

Bakgrunnsstoff

• When the Wind Blows ved IMDb