Geometrisk middel

Geometrisk middel eller geometrisk gjennomsnitt er eit slags gjennomsnitt som vert uttrykt som n-te rot av produktet av n storleikar eller tal.

Det er eit sentralitetsmål i ei talrekkje. Ein finn det geometriske gjennomsnittet ved å multiplisere alle tala i talrekkja med kvarande for å så å finne den n-te rota til dette produktet. N er mengda tal i talrekkja.

I ei talrekkje $\{a_{1},a_{2},\ldots ,a_{n}\}$ så er det geometriske gjennomsnittet gjeven ved:

${\bigg (}\prod _{i=1}^{n}a_{i}{\bigg )}^{1/n}={\sqrt[{n}]{a_{1}a_{2}\cdots a_{n}}}$

Geometrisk gjennomsnitt vert nytta til å skildre eksponentiell vekst.

Mellomproporsjonal

Mellomproporsjonal eller mellomproporsjonalledd er det talet eller den geometriske storleiken x som tilfredsstiller proporsjonen a : x = x : b. x vert då sagt å vere mellomproporsjonalen til a og b. Av likninga følgjer det at x = √ab. Ein mellomproporsjonal storleik er det geometriske middelet av to storleikar a og b.

Kjelder

• Denne artikkelen bygger på «Geometrisk gjennomsnitt» frå Wikipedia på bokmål, den 14. november 2011.

• «mellomproporsjonal(ledd)». Store norske leksikon. 14. januar 2012.