Røysterett for kvinner
![](http://upload.wikimedia.org/wikipedia/commons/thumb/8/87/Feminist_Suffrage_Parade_in_New_York_City%2C_1912.jpeg/220px-Feminist_Suffrage_Parade_in_New_York_City%2C_1912.jpeg)
![](http://upload.wikimedia.org/wikipedia/commons/thumb/6/64/1900_New_York_polling_place.jpg/220px-1900_New_York_polling_place.jpg)
Røysterett for kvinner var ei av dei første store kampsakene for kvinnerørsla.
Historie
[endre | endre wikiteksten]Det oppstod mot slutten av det 1800-talet rørsler i fleire land som kjempa for at kvinner skulle få same røysterett som menn. Målet deira var først og fremst å få slutt på diskriminering av kvinner i høve til menn, ikkje nødvendigvis å innføre allmenn røysterett ved å fjerne diskriminering basert på økonomiske, religiøse eller rasemessige forhold.
Stemmeretten vart utvida til å gjelde kvinner på ulike tider i ulike land, og i mange tilfelle vart han også trekt attende etter nokre år. Det var også vanleg at kvinner hadde strengare vilkår for å få røysterett enn menn, for eksempel ved at berre gifte kvinner fekk retten.
Den første staden som innførte kvinneleg røysterett var New Jersey. Der vart det innført i 1776, men trekt attende i 1807. Pitcairnøyane var neste stad, i 1838. Deretter kom Sør-Australia i 1861, og så kom forskjellige territorier i USA.
Det første landet som innførte kvinneleg røysterett utan atterhald var New Zealand, rett før valet i 1893. Dette omfatta likevel berre røysteretten; det gjekk enda nokre år før kvinner kunne stille til val. Sør-Australia var den første staden som tillét kvinner å stille til val til parlamentet, i 1894, 33 år etter at kvinneleg røysterett vart innført.
Det første europeiske landet som innførte kvinneleg røysterett var Finland, som innførte allmenn røysterett og rett til å stille til val i 1906. Landet fekk i 1907 verdas første kvinnelege medlemmer av ei nasjonalforsamling, da 19 kvinner vart vald inn i riksdagen. Danmark innførte kvinneleg røysterett i lokalval i 1908 og i nasjonale val i 1915, mens Noreg innførte det for alle val i 1913.
Under første verdskrigen endra haldninga til kvinners evner og moglegheiter seg i fleire vestlege land, fordi kvinner vart sett inn i tradisjonelle mannsyrke for å fylle opp plassane til dei som var sende til fronten. I 1918 innførte Storbritannia røysterett etter nesten same vilkåra som for menn (fulle rettar vart gitt i 1928), mens kvinner i Tyskland fekk same rett som mennene. I 1920 vart kvinneleg røysterett innført i USA, og deretter fylgde dei fleste vestlege landa fram mot andre verdskrigen. Eit unntak var Frankrike, som først kom etter i 1945, samtidig som Japan.
Dei siste vestlege landa der kvinner fekk røysterett var Sveits (1971) og Liechtenstein (1984). Det er framleis nokre få land som ikkje har kvinneleg røysterett, dei fleste av dei med basis i visse tolkingar av Koranen. Bhutan skil ikkje mellom kvinner og menn, men i og med at landet har eit prinsipp om éi røyst per eigedom fører dette til at mange kvinner i røynda ikkje har røysterett.
År | Land |
---|---|
1893 | New Zealand |
1902 | Australia |
1906 | Finland |
1913 | Noreg |
1915 | Danmark, Island |
1917 | Sovjetunionen |
1918 | Austerrike, Tyskland |
1919 | Tsjekkoslovakia, Luxembourg, Nederland, Polen |
1920 | Canada, USA |
1921 | Sverige |
1922 | Irland |
1927 | Uruguay |
1928 | Storbritannia |
1929 | Ecuador |
1930 | Sør-Afrika (kvite) |
1931 | Spania, Sri Lanka |
1932 | Brasil, Thailand |
1934 | Cuba, Tyrkia |
1935 | Burma |
1938 | Bulgaria, Filippinene |
1942 | Den dominikanske republikken |
1944 | Frankrike |
1945 | Guatemala, Ungarn, Indonesia, Japan, Panama, Trinidad og Tobago |
1946 | Benin, Italia, Liberia, Romania, Jugoslavia |
1947 | Argentina, Malta, Togo, Venezuela, Vietnam |
1948 | Belgia, Israel, Nord- og Sør-Korea |
1949 | Chile, Costa Rica, India, Syria |
1950 | Barbados, El Salvador |
1951 | Nepal |
1952 | Bolivia, Hellas |
1953 | Kina, Jamaica, Mexico |
1954 | Columbia |
1955 | Etiopia, Ghana, Nicaragua, Peru |
1956 | Kamerun, Den sentralafrikanske republikken, Tsjad, Kongo, Egypt, Gabon, Guinea, Elfenbeinskysten, Laos, Madagaskar, Mali, Mauritania, Niger, Pakistan, Senegal, Sudan, Tunis, Burkina Faso |
1957 | Haiti, Honduras, Libanon, Malaysia |
1958 | Albania, Algerie, Irak, Somalia |
1959 | Kypros, Mauritius, Marokko |
1960 | Nigeria, Zaire |
1961 | Burundi, Gambia, Paraguay, Rwanda, Sierra Leone, Tanzania |
1962 | Uganda |
1963 | Iran, Kenya, Libya |
1964 | Afghanistan, Malawi, Zambia |
1965 | Botswana, Singapore |
1966 | Guyana, Lesotho |
1967 | Sør-Yemen |
1968 | Sør-Jemen |
1969 | Swaziland |
1970 | Fiji |
1971 | Sveits |
1972 | Bangladesh |
1974 | Jordan |
1976 | Portugal |
1984 | Liechtenstein |
2005 | Kuwait |
Land utan kvinneleg røysterett per 2006
[endre | endre wikiteksten]Landa som ikkje har røysterett, eller ulike reglar for kvinner og menn, er:
- Brunei – ingen kvinneleg røysterett
- Dei sameinte arabiske emirata – ingen kvinneleg røysterett
- Libanon – kvinner må ha utdanning for å røyste, menn treng ikkje dette. Det er obligatorisk for menn å røyste og valfritt for kvinner.
- Saudi-Arabia – ingen kvinneleg røysterett
Nett innført: