Byen Djibouti

Djibouti
جيبوتي‎
hovudstad
Offisielt namn: arabisk جيبوتي‎, fransk Ville de Djibouti
Land	Djibouti
Høgd	0 m
Folketal	603 900 (2018)
Grunnlagd	1888
Tidssone	UTC +3
Byen Djibouti 11.595°N 43.148055555556°E / 11.595; 43.148055555556
Kart som viser Byen Djibouti. Kart som viser Byen Djibouti.
Wikimedia Commons: Djibouti (city)

Djibouti (utt. dʒibˈu:ti) er hovudstaden og den største byen i republikken Djibouti i Aust-Afrika. Han ligg på ei halvøy mellom Tadjourabukta og Adenbukta nær innlaupet til Raudehavet. I 2018 hadde byen 603 900 innbyggjarar.

Historie

Byen Djibouti vart grunnlagd i 1888, og vart i 1892 gjort til hovudstad i Fransk Somaliland i staden for Tadjoura. Mellom 1967 og 1977 var byen hovudstad i det franske Afar- og Issar-området før han vart hovudstad i republikken Djibouti i 1977.

Transport

Djibouti er ein viktig handelsby, og hamna har store anlegg for forsyningar og bunkring. Hamna vert også brukt til fiske og ferjeruter herifrå til Tadjoura og Obock. Det går også jarnbane frå byen til Addis Abeba i Etiopia, noko som er svært viktig for økonomien til byen. Den internasjonale lufthamna Ambouli ligg også i byen.

Anna

I Djibouti finst også eit akvarium, ein stor marknadsplass, nasjonalstadionet Stade du Ville, presidentpalasset i landet og Hamoudi-moskéen.

Galleri

• 
  The People's Palace i Djibouti.
• 
  Rue de Marseille i Djibouti.
• 
  Djibouti hamn.
• 
  Place Rimbaud.
• 
  Minaret i Djibouti.

Kjelder

• Denne artikkelen bygger på «Djibouti (city)» frå Wikipedia på engelsk, den 4. januar 2011.
• «Djibouti – hovedstad» i Store norske leksikon, snl.no.

Bakgrunnsstoff

Commons har multimedium som gjeld: Byen Djibouti