Ambortius O. Lindvig
Ambortius O. Lindvig | |||
![]() | |||
Fødd | 30. september 1855 Kragerø | ||
---|---|---|---|
Død | 9. mai 1946 (90 år) | ||
Statsborgar av | Noreg | ||
Parti | Venstre, Frisindede Venstre | ||
Yrke | politikar, reiar | ||
Alle verv |
|
Ambortius Olsen Lindvig (30. september 1855–9. mai 1946) var ein norsk skipsreiar og politikar frå Kragerø.
Far til Lindvig var skipsreiar. 1871 tok sonen styrmannseksamen og var til sjøs i 14 år, hovudsakleg på langfart. I ni år var han skipper. 1874/75 og 1876/77 lærte han språk i høvesvisTyskland og Frankrike. År 1885 slo han seg til i fødebyen som skipsreiar, seinare dreiv han og som skipsmeklar og eksportør av is. I si reiarverksemd satsa han på stålskip til fart på Mexico og India, seinare sette han inn dampskip. I 1914 disponerte han 15 dampskip.
Lindvig var medlem av formannskapet i Kragerø i 20 år, fleire år var han ordførar. Elles direktør i den lokale sparebanken, og mange kommunale verv.
Lindvig representerte Kragerø på Stortinget 1895-1900 og 1906-12. Han var medlem av tollkomiteen 1895-97 og sekretær i same 1898-1900. I 1906 vart han på nytt vald inn i tollkomiteen, nestformann 1908-12. Han var visepresident i Odelstinget 1908-09 og president 1910-12. 1909 var han medlem av den forsterka næringskomite nr 1 og 1910-12 av valkomiteen. Lindvig var fyrst tilslutta Venstre, seinare Frisinna Venstre. Han var handelsminister 1912-13 i Bratlie-regjeringa. Dei åra han var stortingsmann var han seks gonger permittert for å styre med forretningane sine.
Lindvig var president i Norges Rederiforbund 1915-18 og budde i Oslo frå 1912.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Dødsdato frå NBL-artikkel om Lindvig, skriven av Knut Are Tvedt.
- Einskildmenn
- Fødde i 1855
- Døde i 1946
- Norske handelsministrar
- Statsrådar i Regjeringa Bratlie
- Frisinnede Venstre-statsrådar
- Stortingsrepresentantar frå Frisinnede Venstre
- Stortingsrepresentantar frå Venstre
- Stortingsrepresentantar for Kragerø
- Stortingsrepresentantar 1895-1897
- Stortingsrepresentantar 1898-1900
- Stortingsrepresentantar 1907-1909
- Stortingsrepresentantar 1910-1912
- Norske skipsreiarar
- Ordførarar i Kragerø
- Venstreordførarar i Telemark
- Folk frå Kragerø