Alma Lund
Utsjånad
Alma Lund | |||
![]() | |||
Fødd | 30. april 1854 | ||
---|---|---|---|
Fødestad | Åbo | ||
Død | 9. oktober 1932 (78 år) | ||
Dødsstad | Oslo | ||
Verka som | skodespelar, filmskodespelar, operasongar | ||
Ektefelle | Bjarne Lund |
Alma Mariane Lund (1854–1932), fødd Wikstrøm, var ein finsk-norsk operasongar og skodespelar. Ho song sopran.
Lund var fødd i Åbo. Ho var tilsett ved den finske nasjonaloperaen i Helsingfors og seinare ved Den Nationale Scene i Bergen. Ho var ein av fleire bergenske skodespelarar som drog til det nye Nationaltheatret då detta opna i 1899. Her song ho i koret ved teateret, som òg var faste statistar i oppsetjingar. Ho hadde også ein del småroller og songroller. Marta i Faust var den største oppgåva ho hadde. Ho trekte seg tilbake frå teateret i 1920.
Alma Lund hadde den kvinnelege hovudrolla i den første norske spelefilmen, Fiskerlivets farer frå 1907. Ho var gift med operasongaren Bjarne Lund (1858–1894).
Kjelder
[endre | endre wikiteksten]- Denne artikkelen bygger på «Alma Lund» frå Wikipedia på bokmål, den 8. september 2021.