Lárisa
Lárisa Lokalt namn Λάρισα | |
---|---|
![]() Katedralen i Lárisa | |
Geografi | |
![]() | |
Stad | Thessalía |
Koordinatar | 39°38′N 22°05′E / 39.633°N 22.083°E |
Areal | 335,1 km²
|
Administrasjon | |
Land | Hellas |
Periferi Periferieining |
Thessalía Lárisa |
Hovudsete | Lárisa (146 377 innb.) |
Demografi | |
Folketal | 164 095 (2021[1]) |
Folketettleik | 489,7 /km² |
Lárisa (gresk: Λάρισα) er ein by og kommune og hovudstaden i periferien Thessalía og periferieininga Lárisa i Hellas. Han er det største jordbrukssenteret i landet og eit nasjonalt trafikknutepunkt med jernbane både til hamna i Vólos, Thessaloníki og Aten.
Historie
[endre | endre wikiteksten]Antikken og mellomalderen
[endre | endre wikiteksten]Ein har funne spor frå steinalderen i området, men det låg i utkanten for dei meir avanserte kulturane. Området rundt Lárisa var særs frodig og var eit viktig jordbruksområde i antikken og særleg kjend for hestane sine.
Namnet Lárisa var eit vanleg namn på mange pelasgiske byar og kjem frå den greske nymfen Larissa eller frå det antikke greske ordet larissa, som tyder «skanse» på norsk. Ein meiner at det var i Lárisa den kjende greske lækjaren Hippokrates og filosofen Gorgias av Leontini døydde.
Lárisa ligg nær staden som Homer kalla Agrissa. I tidlege tider, då Thessalía hovudsakleg vart styrt av eit par aristokratiske familiar, var han ein viktig by under styret til Aleuadae, som styrte over heile området Pelasgiotis. Innbyggjarane tok Aten si side under peloponnesarkrigen og som ein del av Romarriket var han forholdsvis viktig. Heilt sidan 400-talet har byen vore sete for eit erkebispedøme.
Moderne periode
[endre | endre wikiteksten]Lárisa var hovudkvarteret for Ali Pasha under den greske sjølvstendekrigen og kronprinsen Konstantin under den gresk-tyrkiske krigen 1897. Fram til 1881 var han sete for ein pasha i wilaya Iannina i Det osmanske riket. På tyrkisk vart byen kalla Yenişehr-i Fenar. Den lange perioden under osmanarane har viska ut mange spor av antikken. Han var tidlegare eit tyrkisk militærsenter og dei fleste innbyggjarane hadde tyrkisk opphav. På 1800-talet var det ein liten landsby ved utkanten av byen busett av afrikanarar frå Sudan, eit rest av styrkar som Ali Pasha samla saman. Mange av tyrkarane emigrerte i 1881 då byen vart ein del av Hellas.
Administrativ inndeling
[endre | endre wikiteksten]![](http://upload.wikimedia.org/wikipedia/commons/thumb/8/85/Dimos_Lariseon_Enotites.png/180px-Dimos_Lariseon_Enotites.png)
![](http://upload.wikimedia.org/wikipedia/commons/thumb/e/e4/DE_Lariseon.svg/220px-DE_Lariseon.svg.png)
Kommunen vart danna i 2011 ved at ein slo saman dei tidlegare kommunane
Dei tre tidlegare kommunane er no kommunaleiningar.[2]
Ved folketeljinga i 2021 hadde kommunen 164 095 innbyggjarar, medan kommunaleininga Lárisa hadde 148 562 og tettstaden med same namn 146 377 innbyggjarar.[1]
Byar og tettstader
[endre | endre wikiteksten]Dei største byane og tettstadene i kommunen er:
Tettstad | Kommunaleining | Folketal 2011[3] | Folketal 2021[1] |
---|---|---|---|
Lárisa | Lárisa | 144 651 | 146 377 |
Jánnouli | Jánnouli | 7 885 | 8 160 |
Fálanna | Jánnouli | 3 987 | 3 823 |
Terpsithéa | Lárisa | 1 992 | 1 967 |
Kiláda | Kiláda | 628 | 480 |
Mándra | Kiláda | 512 | 419 |
Elevtherés | Kiláda | 520 | 358 |
Kjende personar
[endre | endre wikiteksten]- Konstantinos Khalkias
- Yannis Goumas (24. mai 1975, fotballspelar på Panathinaikos)
- Kostas Gousgounis
- Fani Halkia
- Alexis Georgoulis (6. oktober 1974, skodespelar)
Referansar
[endre | endre wikiteksten]- ↑ 1,0 1,1 1,2 Folketeljing 2021
- ↑ Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023 - ↑ Folketeljing 2011, revidert
Bakgrunnsstoff
[endre | endre wikiteksten]- Offisiell nettstad (gresk)
Kjelde
[endre | endre wikiteksten]- Denne artikkelen er basert på ei omsetjing av artikkelen Larissa frå Engelsk Wikipedia .