Nord-Kaukasus

Nord-Kaukasus
Land	Russland
Del av	Kaukasia, Sør-Russland
Nord-Kaukasus 43.405047°N 43.831787°E / 43.405047; 43.831787
Nord-Kaukasus i Russland Nord-Kaukasus i Russland
Wikimedia Commons: North Caucasus

Nord-Kaukasus er den nordlege delen av Kaukasusområdet mellom Europa og Asia. Uttrykket vert òg nytta som synonym for den økonomiske regionen Nord-Kaukasus i Russland.

Politisk inneheld Nord-Kaukasus (området nord for fjellkjeda Store Kaukasus) dei russiske republikkane i Nord-Kaukasus i tillegg til fleire regionar i Georgia og Aserbajdsjan. Den russiske delen er ein del av Juzjnyj (Sør-Russland) og består av Krasnodar kraj, Stavropol kraj og dei autonome republikkane Karatsjajevo-Tsjerkessia, Kabardino-Balkaria, Adygeja, Nord-Ossetia, Ingusjetia, Tsjetsjenia og Dagestan. I Georgia utgjer Nord-Kaukasus regionane Tusjeti, Khevsureti og Khevi.

Geografisk utgjer Nord-Kaukasus nordsida og dei vestlegaste områda av fjellkjeda Store Kaukasus, i tillegg til delar av sørsida i vest (fram til elva Psou). Steppeområdet For-Kaukasus vert stundom nemnd som ein del av Nord-Kaukasus, sjølv om den nordlege geografiske grensa vanlegvis vert rekna for å vere Kuma-Manytsj fordjupninga. I vest grensar området til Azovsjøen og Kerch-sundet og i aust til Kaspihavet.

Sjå òg

• Transkaukasus (Sør-Kaukasus)

Galleri

• 
  Fjell i Ingusjetia
• 
  Bygningar i Ingusjetia
• 
  Utsyn mot elva Bolsjoj Zelentsjuk
• 
  Snødekt fjell

Kjelder

• In Quest for God and Freedom: Sufi Responses to the Russian Advance in the North Caucasus By Anna Zelkina
• Russia in the Modern World: a new geography By Denis J. B. Shaw, Institute of British Geographers

• Denne artikkelen bygger på «North Caucasus» frå Wikipedia på engelsk, den 2. juni 2007.