Provinsen Avellino
| Avellino | |||
| provins | |||
 | |||
|
|||
| Land |  Italia
| ||
|---|---|---|---|
| Region | Campania | ||
| Hovudstad | Avellino | ||
| Areal | 2 791,64 km² | ||
| Folketal | 405 963 (1. januar 2021)[1] | ||
| Postnummer | 83010–83054 | ||
| Retningsnummer | 081, 082 | ||
| Bilnummer | AV | ||
 Provinsen Avellino 40°54′55″N 14°47′23″E / 40.915277777778°N 14.789722222222°E | |||
 Kart som viser Provinsen Avellino.
| |||
| Wikimedia Commons: Province of Avellino | |||
Provinsen Avellino (italiensk Provincia di Avellino ) er ein provins i regionen Campania i Italia. Hovudstaden er byen Avellino . Han har eit areal på 2 792 km² og totalt 429 073 innbyggjarar. Det er 119 kommunar i provinsen.
I det gamle Kongedømet Napoli utgjorde provinsen om lag Principato Ultra, men nokre stader var ein del av Capitanata eller Principato Citra. Provinsen grenser ikkje til havet. Det gamle namnet på området var Hirpinia (moderne italiensk Irpinia), som kom frå det oskiske «hirpus», eller «ulv», eit dyr som framleis finst i området.
Typiske produkt frå provinsen er hasselnøtt (ein tredjedel av den totale italienske produksjonen), kastanje frå Montella, dei kjende vinane Aglianico, Taurasi, Greco og Fiano, kirsebær, ost (som caciocavallo frå Montella), svart trøffel frå Bagnoli Irpino.
Avellino var kjend for dei kongelege hagane i mellomalderen og i romartida.
Dei største turistattraksjonane er heilgadomane Montevergine og San Gerardo a Maiella, dei arkeologiske områda Avella og Eclano, Lancellotti-borga, den tidlege kristne basilikaen i Prata.
Største kommunane
Stand: 31. mai 2005
| Kommune | Folketal |
|---|---|
| Avellino | 56 955 |
| Ariano Irpino | 23 330 |
| Monteforte Irpino | 13 069 |
| Mercogliano | 12 363 |
| Solofra | 12 058 |
| Atripalda | 11 .328 |
| Cervinara | 10 186 |
| Montoro Inferiore | 10 067 |
Kjelder
- Denne artikkelen bygger på «Province of Avellino» frå Wikipedia på engelsk, den 9. desember 2007.
