Guildford
|
Guildford | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Surrey | |
| Distrikt | Guildford | |
| Grunnlagd | 400-talet | |
| Geografi | ||
| Innbyggjarar - By (2007) |
72 971 | |
| Koordinatar | 51°14′N 0°34′W / 51.233°N 0.567°W | |
| Diverse annan informasjon | ||
| Postnummer | GU1-4 | |
| Telefon-retningsnummer | 01483 | |
Guildford er ein by i Surrey i England, og administrativt senter for regionen Søraust-England. Han var tidlegare òg administrativt senter for grevskapet Surrey, men dette vart flytta til Kingston.
Historie
[endre | endre wikiteksten]Historia til byen går tilbake til angelsaksisk tid. Namnet kjem truleg frå eit sanddekke – gylle – vadestad i elva Wey. Alfred Atheling, son av kong Ethelred II, hadde budd i Normandie under den danske invasjonen av England. Omkring 1040, nokre år etter Knut den store var død, kom han tilbake til England. Han møtte jarlen Godwin av Wessex i Guildford, og vart overlaten til kongen, som blinda og lemlesta han; Alfred døydde kort tid etter mishandlinga.
På 1100-talet reiste normannarane eit slott, i det som var utkanten av jaktmarkene til Windsor Castle. Det vart fleire gonger vitja av kongane Johan og Henrik III. Berre sjølve tårnet er verna, og vart restaurert i 2004.
Frå 1300- til 1700-talet hadde byen store inntekter frå handel med ull.
I 1927 vart Guildford eit anglikansk bispesete. Guildfordkatedralen vart vigsla i 1961.
Den 5. oktober 1974 eksploderte bomber plassert av medlemmar av Den provisoriske irske republikanske arméen på to pubar i Guildford. Pubane var utpeikt som mål fordi soldatar ofte gjekk dit; fem sivile vart drepne. Fire mistenkte vart arresterte, og vart kjent som Guildford Four. Dei vart idømd lange fengselsstraffar, men etter ein lang juridisk dragkamp vart dei lauslatne i 1989 då domane vart forkasta.
I 2002 freista Guildford å få full bystatus (city), men dette vart avslått og byen er enno ein town.
Kjelder
[endre | endre wikiteksten]- Denne artikkelen bygger på «Guildford» frå Wikipedia på bokmål, den 12. juli 2011.