Tor Fuglevik

Tor Fuglevik
Nasjonalitet	norsk
Statsborgarskap	Noreg
Fødd	7.april 1950 Kristiansand
Yrke	journalist og medieleiar
Språk	norsk
Tor Fuglevik på Commons

Tor Aslak Fuglevik fødd 7. april 1950 i Kristiansand. Norsk journalist og medieleiar.

Fuglevik er direktør i det internasjonale mediekonsernet Modern Times Group (MTG), som mellom anna eig Viasat, TV3 og P4.

Bakgrunn

Fuglevik tok eksamen frå Norsk journalistskule i 1971, og Samfunnsvitskapeleg embetseksamen frå Universitetet i Oslo i 1975.

Fuglevik starta i NRK Radio i 1971 som nyhendereporter i Dagsnytt som 21-åring. I 1976-1977 var han informasjonssjef i Justisdepartementet, og 28 år gamal vart Fuglevik i 1978 sjef for NRK Sørlandet. Han var så sjef for NRK Austlandssendinga (1984-1986), assisterande radiodirektør i NRK P1 (1986-1988) og radiodirektør i NRK (1989-2000). Fuglevik var vara-kringkastingssjef og direktør for NRK Futurum 2000-2001.

Som radiodirektør var Fuglevik mellom anna ansvarleg for innføringa av eit nytt, nasjonalt trekanaltilbod med kanalane P1, P2 og Petre i 1993, for verdas første heildigitale radiokanal NRK Alltid Klassisk i 1995 og for etableringa av Noregs første nyhendekanal, NRK Alltid Nyheter, i 1997.

Etter 30 år i NRK slutta han i 2001 som vara-kringkastingssjef i NRK for å bli administrerande direktør i Norges televisjon (NTV). Her leia Fuglevik den faglege og politiske prosessen fram til Stortinget si endelege avgjerd i 2004 om bygging av det landsdekkjande, digitale tv-nettet som NRK og RiksTV i dag nyttar.

Fuglevik slutta i NTV i 2006 etter endt årmål, og vart same år tilsett som direktør i MTG.

Anna verksemd

Måltrolla Ottar Grepstad (til venstre) og Tor Fuglevik i Språkrådet sitt styre inntek Oslo i 2009. Inge Grødum si teikning står i verket ”Norsk presses historie 1-4 (1660–2010)” og er fritt etter Olaf Gulbransson si teikning i Tyrihans i 1899, den gong med dei tre trolla Arne Garborg, Per Sivle og Ivar Aasen.

Bokmålsmannen Fuglevik har jamvel som mangeårig radiodirektør i NRK og som medlem av styret i Språkrådet engasjert seg for nynorsken si stilling i Noreg. I 2009 tok han til orde for at dei store landsdekkjande Oslo-avisene skal bli fråtekne den store, indirekte statsstøtta i form av såkalla nullmoms dersom dei held fram med å undertrykke nynorskjournalistikken. Det vart det i ettertid mykje bråk av.

Fuglevik har gjeve ut fleire bøker om kringkasting. Han har hatt leiande verv i den europeiske kringkastingsunionen EBU, og har vore medlem av styra i mellom anna Språkrådet og Det Norske Samlaget. Fuglevik fekk i 2008 Prix Radio sin heiderspris for å ha hatt "ansvaret for mye av moderniseringen av radiomediet i Norge".

Referanser

Sitat (http://www.ordtak.com/forfatter.php?fn=Tor&ln=Fuglevik)

Bakgrunnsstoff

• Artikkel i Store norske leksikon
• En "tyv" med hjerte for klassisk musikk (Artikkel i tidsskriftet Ballade)
• Intervju med Tor Fuglevik i Aftenposten 24.1.2009
• Omvising i Radiohuset med daværande radiodirektør Tor Fuglevik, og fotobok om huset av Morten Krogvold, innslag i fjernsynsprogrammet Absolutt 13.11.1996, programleder Fredrik Skavlan