Yle
Yle (Yleisradio) eller Rundradion (svensk) er Finland sitt statlege selskap for radio og fjernsyn. Yle vart stifta i 1926. Selskapet kringkastar fem nasjonale fjernsynskanalar og tretten radiokanalar. Det finske statskringkastingsprinsippet er på mange måtar det same som NRK sitt.
Yle | |||
![]() | |||
![]() Офис YLE в Хельсинки ![]() | |||
Org.form | Osakeyhtiö | ||
---|---|---|---|
Bransje | Massemedium, journalistikk, kringkasting | ||
Skipa | 1926 | ||
Eigenandel i | Yle Radio Suomi | ||
Land | Finland | ||
Produkt | radio | ||
Grunnleggjar(ar) | Finland | ||
Nettstad | https://yle.fi |
Selskapet Yleisradio er eigd av ei stifting og finansiert gjennom fjernsynslisens. Éi av dei best kjende internasjonale tenestene til Yle er Nuntii Latini, nyhende på Latin, som vert kringasta til heile jorda via radio og Internett.
Finland er eit land med to språk. Svensk er morsmålet til rundt 6 % av befolkninga. Yle tilbyr radio- og fjernsynsprogram på svensk via Finlands Svenska Television og Finlands Svenska Radio.
Kanalar
endre- Yle TV1 sender nyhende, dokumentarar, drama, kultur, undervisning, satirisk underhaldning og film.
- Yle TV2 er hovudkanalen for ungar, tenåringar og sportsinteresserte. Dei viser også drama, underhaldning og faktaprogram.
- Yle Teema er den digitale kanalen for kultur, kunnskap og vitskap. Dei sender opptak av utøvande kunst, klassisk musikk, dokumentarar om kunst og historie, filmar og temaprogram.
- Yle Fem er den digitale svenskspåklege kanalen med nyhende, fakta- og barneprogram og underhaldning. Dei viser nordiske filmar og seriar. Mange av programma har finske undertekstar.
Internasjonale kanalar
- TV Finland er ein digital satellittkanal som viser eit utval av Yle-program.
Anna
- Yle Teksti-tv (Teletext)
Radio
endre- Yle Radio 1 sender kultur, spesielle hendingar, snakkeprogram, klassisk musikk (konsertar med Det finske radiosymfoniorkesteret), jazz, folkemusikk, verdsmusikk og religiøs musikk.
- YleX er ein radiokanal med raskt tempo og ny musikk og populærkultur, sikta til 17–27-åringar. Kanalen sender rundt 70 prosent musikk, ny og utanlandsk pop og rock, og fleire spesielle musikkprogram.
- Yle Radio Suomi er den nasjonale og regionale nyhendekanalen, som òg sender sport og underhaldning. Av musikk speler han innanlandske og utanlandske slagerar, voksenpop og nostalgisk pop.
- Yle X3M Ein svenskspråkleg kanal for aktuelle hendingar, debatt og populærkultur. Sender òg nyhende, barneprogram, sport og musikkprogram om ny pop og rock.
- Yle Radio Vega Aktuelle hendingar, på svensk for alle lyttargrupper. Tilbyr òg kultur og regionale program. Voksenpop, jazz og klassisk musikk.
- Yle Sámi Radio Ein samiskspråkleg radiokanal som dekkar nordre Sameland. Han samsender med Noreg og Sverige.
Digitale tenester
endre- Yle Puhe Digitale nyhende og aktuelle hendingar, snakkeprogram frå Yle sine andre radio- og fjernsynskanalar. Klassisk jazz.
- Yle Klassinen 24 timar i døgnet med klassisk musikk.
Bakgrunnsstoff
endre- Yle – Offisiell nettstad
- svenska.yle.fi – Offisiell nettstad for svensk Yle