Viggo Ullmann

Viggo Ullmann
	Viggo Ullmann
	; Viggo Ullmann Foto: L. Szacinski/Nasjonalbiblioteket
Fødd	21. desember 1848; Oslo
Død	30. august 1910 (61 år)
Statsborgar av	Noreg
Parti	Venstre
Yrke	politikar, lærar, redaktør
Utdanna ved	Universitetet i Oslo
Mor	Vilhelmine Ullman
Medlem	Norsk Kvinnesaksforening; Rene Venstre
Alle verv	stortingsrepresentant (1886–1888); stortingspresident (1892–1894); vararepresentant til Stortinget (1883–1885); stortingsrepresentant (1889–1891); stortingsrepresentant (1892–1894); stortingsrepresentant (1895–1897); stortingsrepresentant (1898–1900); fylkesmann i Telemark (1902–1910); leder for Venstre (1893–1894); leder for Venstre (1898–1900) ;

Johan Christian Viggo Ullmann (21. desember 1848–30. august 1910) var ein norsk skulemann, embetsmann og stortingsmann for Venstre. Vilhelmine Ullmann var mor hans, Ragna Nielsen syster hans.

Ullmann var fødd i Christiania, far hans var tilsett i Revisjonsdepartementet. Sjølv vart han student frå Oslo katedralskule i 1866, og var så i kort tid huslærar på Nes jernverk. I 1872 vart han cand. phil. Det komande året var han i Danmark, der han vitja ulike folkehøgskular. År 1873 oppretta han folkehøgskule i Austre Moland, to år seinare flytta han skulen til Landvik. Frå 1880 dreiv han folkehøgskulen vidare i Seljord, der han arbeidde for ei meir yrkesfagleg innretting av opplæringa. Skulen flytta fyrste åra rundt mellom Drangedal, Vinje og Gjerpen. Frå 1884 hadde skulen fast tilhaldsstad i Seljord, Ullmann kjøpte ein gard med støtte frå bønder i heradet. På skulen heldt han og lærarkurs.

Ullmann var formann i Det Norske Samlaget 1891-94, samt redaktør for avisa Varden. Pedagogikken hans var prega av Grundtvigs ideal der teologi og læring vert oppfatta som ei frivillig akt, og obligatorisk eksaminering er bytta ut med frivillig eigenevaluering av læringsgrad. Han gjorde seg også til talsmann for Henry George sine idear.

Ullmann var styremedlem i Norges venstreforening 1884-1900, leiar av Venstre 1893-94 og 1898-1900. Han var stortingsrepresentant for Bratsberg amt i perioden 1886-1900, i 1893-94 parlamentarisk leiar. Åra 1886-91 var han medlem av kyrkjekomiteen. Han var stortingspresident 1892-94, 1897 og 1898-1900. Frå 1892 til 1900 var han mellom anna formann i budsjettkomiteen og 1898-1900 i valkomiteen. I 1898 var han formann i komiteen «om varetagelse av Stortingets interesser i anledning av Nobels testamente».^[1]

Kvindestemmeretsforeningen, leia av Ullmann si syster, Ragna Nielsen, fekk assistanse av Ullmann då foreininga sette fram forslag til endring i grunnlova. Saman med Wollert Konow (SB) var han sentral i Norges Fredslag og stod seinare for etableringa av Stortingets Fredsforening i 1890, samt Fredsbrevet til kongen same året.

I perioden 1902-1910 var han amtmann i Bratsberg amt.

Ullmann døydde sinnssjuk i 1910 i Vestre Aker.

Kjelde

Lindstøl, Tallak: Stortinget og Statsraadet 1814-1914. Kristiania, 1914

Notar

↑ Lindstøl:914

Litteratur

Fløistad, Ivar:Viggo Ullmann og Folkehøgskolen i Austre Moland 1873-1875
Østvedt, Einar:Viggo Ullmann i Årbok for Telemark 1968

Bakgrunnsstoff

Biografisk informasjon om Viggo Ullmann NSD Norsk senter for forskningsdatas politikararkiv

[1] Lindstøl:914

[1]

Viggo Ullmann
Viggo Ullmann Foto: L. Szacinski/Nasjonalbiblioteket

Fødd	21. desember 1848 Oslo
Død	30. august 1910 (61 år)
Statsborgar av	Noreg
Parti	Venstre
Yrke	politikar, lærar, redaktør
Utdanna ved	Universitetet i Oslo
Mor	Vilhelmine Ullman
Medlem	Norsk Kvinnesaksforening Rene Venstre
Alle verv	stortingsrepresentant (1886–1888) stortingspresident (1892–1894) vararepresentant til Stortinget (1883–1885) stortingsrepresentant (1889–1891) stortingsrepresentant (1892–1894) stortingsrepresentant (1895–1897) stortingsrepresentant (1898–1900) fylkesmann i Telemark (1902–1910) leder for Venstre (1893–1894) leder for Venstre (1898–1900)