Nintendo
Nintendo Corporation, Limited er eit japansk fleirnasjonalt selskap som produserer dataspel og forbrukarelektronikk. Selskapet har hovudkvarter i Kyoto, Japan og vart etablert i 1889 på grunnlag av japanske spelekort. Selskapet tok i 1951 namnet Nintendo Playing Card Company, og frå 1963 det noverande namnet.
Nintendo | |||
![]() | |||
![]() Headquarters in Kyoto ![]() | |||
Org.form | Kabushiki kaisha | ||
---|---|---|---|
Bransje | Kortspel, videospel | ||
Skipa | 23. september 1889 | ||
Eigar | Capital Group Companies | ||
Dotterselskap | Nintendo of America, Nintendo France, Nintendo of Korea, Monolith Soft, Nintendo Entertainment Planning & Development | ||
Eigenandel i | The Pokémon Company,[1] Monolith Soft, Nintendo Phuten, DeNA, Nintendo Entertainment Planning & Development, Nintendo Entertainment Analysis and Development, IQue, Ltd. | ||
Hovudkontor | Japan: Kyoto USA: Redmond, Washington Canada: Richmond, Britisk Columbia Europa: Großostheim, Tyskland Australia: Scoresby, Victoria Kina: Suzhou (som iQue, Ltd.) Korea: Seoul | ||
Land | Japan[2] | ||
Produkt | programvare, dataspel | ||
Adm.dir. | Tatsumi Kimishima (16. september 2015), Satoru Iwata (24. mai 2002), Hiroshi Yamauchi (september 1949) | ||
Tilsette | 5 095 (2013) | ||
Nettstad | https://www.nintendo.com/us/regionselector/ (engelsk) |
Selskapet byrja å lage dataspel i 1970-åra og vart raskt ein av dei leiande produsentane i verda av slike. Nintendo etablerte seg i 1980 i USA. I 1980-åra kom spelkonsollen Nintendo Entertainment System (NES) som i seinare år har vore etterfølgd av nyare og kraftigare konsollar. I 1989 vart den handhaldne spelkonsollen Game Boy lansert, og denne konsollserien har vore ein av dei største suksessane til selskapet. Den handhaldne Nintendo DS med to skjermar kom i 2004, og i 2006 kom spelkonsollen Wii, som fokuserer på rørslekontroll i spel. Desse har vore etterfølgde av dei aktuelle konsollane Nintendo 3DS og Wii U.
Innan programvare har Nintendo gjeve ut kjende spel som Donkey Kong, Super Mario, The Legend of Zelda og Pokémon.
Historie
endreFirmaet blei grunnlagt i Kyoto, Japan i 1889 av Fusajiro Yamauchi. Nintendo skulle då produsere handlaga hanafuda-kort, som skulle bli brukte i det japanske kortspelet med same namn.
Nintendo byrja på 1970-talet å lage moderne leiketøy, som mange andre japanske føretak på den tida. Det første var ein slags elektronisk bowling. I Europa blei firmaet kjend da dei populære Game & Watch-spela blei lanserte i 1980-åra. Dei laga også den første lysbaserte digitale pistolen saman med Mitsubishi Technology, kjend frå Duck Hunt som var eit av dei første spela til den første konsollen: NES (Nintendo Entertainment System). Pistolen blei først brukt i konsollar, og baserer seg på at eit mønster lyser opp skjermen i det ein skyt, så fort at ein nesten ikkje rekkjer å sjå det, og eit kamera inni pistolen les av mønsteret, og finn ut om ein har sikta på riktig stad. Nintendo satsa no heilt på videospelmarkedet. Dei blei nokså fort ein av dei mektigaste selskapa i spelbransjen, med eit firma som hadde divisjonar i USA, Tyskland og Japan.
I 1982 skapte Shigeru Miyamoto spelet Donkey Kong. Helten i spelet, som i førsten blei kalla for Jumpman, var ein liten og tjukk røyrleggjar som prøvde å redde ei fortapt kvinne, Pauline, frå ein vill gorilla. Jumpman blei omdøpyt då Nintendo of America flytta hovudkontoret sitt. Sidan Jumpman hadde mange fellestrekk med huseigaren av kontoret, Mario Segali, blei han omdøpyt til «Mario». Då Nintendo lanserte Donkey Kong-spela, blei dei saksøkt av firmaet bak den kjende filmen King Kong. Rettssaka enda til fordel for Nintendo. Donkey Kong namnet oppstod på grunn av eit mistak under ein telefonsamtale, då dei japanske speldesignarane prata med ein amerikanar om kva spelet skulle heite. Japanarane oppfatta at han sa Donkey Kong, då han eigentleg sa Monkey Kong. Sidan dette ikkje blei retta opp før det første spelet vart lansert, har ingen gjort noko for å endre på det seinare. Namnet er no assosiert med ein apekatt som kastar tønner. «Donkey» tyder «esel» på engelsk. Spelet blei Nintendo sin første store suksess.
Stasjonære konsollar
endreNintendo Entertainment System
endre- Hovudartikkel: Nintendo Entertainment System.
Nintendo Entertainment System, ofte omtalt som NES eller berre Nintendo, er Nintendo sin fyrste stasjonære spelkonsoll. Han blei lansert i Japan i 1983 under namnet Famicom. Seinare blei maskina lansert i både Europa og USA under namnet Nintendo Entertainment System. Det var særs lite konkurranse for Nintendo på denne tida, men etterkvart byrja Sega å komme inn på spelmarknaden med den fyrste spelmaskina si; Sega Master System. NES har selt over 65 millionar eksemplar.
Super Nintendo Entertainment System
endre- Hovudartikkel: Super Nintendo Entertainment System.
Super Nintendo Entertainment System er Nintendo sin andre stasjonære spelkonsoll, og arvtakaren til Nintendo Entertainment System. Kontrollen som følgde med maskina introduserte fleire nye knappar i forhold til NES, mellom anna skulderknappane L og R. SNES konnkurerte med Sega Mega Drive (kjend som Genesis i USA). I likskap med NES kom spela på kassettar ein måtte putte inn i maskina for å kunne spele dei. Mange kjende Nintendo-spel frå NES-tida fekk oppfølgjarar på SNES, mellom anna Super Mario World og The Legend of Zelda: A Link to the Past. SNES har selt over 49 millionar eksemplar.
Nintendo 64
endre- Hovudartikkel: Nintendo 64.
Nintendo 64 er Nintendo sin tredje stasjonære spelkonsoll, og kunne yte med grafikk i full 3D. Konsollen gjekk under kodenamn Ultra 64 fram til 1996 då det endelege namnet blei avduka. Utrykket 64 kjem frå 64-bits prosessoren i spelkonsollen. Nintendo valde å halde fram med å nytte kassettar som lagringsmedium for spel i staden for CD-ROM trass underlegen lagringskapasitet. Grunnen til dette valet var me.a. fordi Nintendo meinte at lastetider var for dryge på CD-ROM. Nintendo 64 var den fyrste stasjonære spelkonsollen som introduserte analog styrestikke og ristefunksjon (ekstrautstyr). Nintendo 64 har selt over 32 millionar eksemplar.
Nintendo GameCube
endre- Hovudartikkel: Nintendo GameCube.
Nintendo GameCube er Nintendo sin fjerde stasjonære spelkonsoll. Han blei lansert året 2001 i Japan og USA, og året 2002 i Europa. Konsollen skulle konkurrere med Sony PlayStation 2, Sega DreamCast og Microsoft Xbox. Han var den fyrste Nintendo-konsollen som las av optiske discar, og var på den tida den billegaste og mest kompakte moderne spelkonsollen. Nintendo GameCube har selt over 21 millionar eksemplar. Korkje sjølve konsollen eller spela er no tilgjengelege for sal, men GameCube-konsoll, utstyr og spel er framleis populær handelsvare på fleire nettstader.
Wii
endre- Hovudartikkel: Wii.
Wii (tidlegare kjend som Nintendo Revolution) er Nintendo sin femte stasjonære spelkonsoll. Han blei lansert i 2006 i alle verdsdelar, noko som førte til ein del leveringsproblem. Maskinen tilbyr ein heilt ny måte å spele på. Kontrollen, som ser ut som ein fjernkontroll, har mindre knappar enn tidlegare og registrerer rørsler frå spelaren. Det er også mogleg å kople ein del eksterne kontrollar til for å auke utvalet av måtar å spele på. Wii er den fyrste stasjonære spelkonsollen frå Nintendo som er bakoverkompatibel med spel frå førre generasjon. Wii har selt over 50 millionar eksemplar til no.
Handhaldne konsollar
endre- Game & Watch
- Game & Watch Silver
- Game & Watch Gold
- Game & Watch Wide Screen
- Game & Watch New Wide Screen
- Game & Watch Multi Screen
- Game & Watch Tabletop
- Game & Watch Panorama
- Game & Watch SuperColor
- Game & Watch Micro Vs. System
- Game & Watch Crystal Screen
- Game & Watch Disk Kun
- Game & Watch Mini Classics
- Game Boy (GB)
- Game Boy Pocket (GBP)
- Game Boy Light (Game Boy Pocket med lys i skjermen, berre gjeve ut i Japan)
- Game Boy Color (GBC)
- Game Boy Advance (GBA)
- Game Boy Advance SP
- Game Boy Micro
- Nintendo DS (DS tyder Dual Screen eller Developer's System)
- Nintendo DS Lite (ein mindre og forbetra variant av Nintendo DS)
- Nintendo DSi (ein forbetra versjon av DS med kamera og internettlesar)
- Nintendo DSi XL
- Nintendo 3DS
- Nintendo 3DS XL
Andre konsollar
endreKjelder
endre- ↑ https://disclosure2.edinet-fsa.go.jp/WZEK0040.aspx?S100O9PP,,.
- ↑ Global Research Identifier Database (på engelsk), GRID-identifikator grid.471191.b, Wikidata Q27768150, henta 13. mai 2020
- «Nintendo» i Store norske leksikon, snl.no.