Makhtesh
Makhtesh (hebraisk מַכְתֵּשׁ, fleirtal מַכְתְּשִׁים, makhteshim) eller erosjonssirkel er ei geologisk landform som er unik for Negevørkenen i Israel. Ein makhtesh har bratte veggar av hardføre bergartar, som ligg kring ein djup, lukka dal, som vanlegvis vert drenert av ein enkel wadi. Dalane har avgrensa vegetasjon og jordsmonn og består av bergartar av forskjellig form og farge. Den mest kjende og største makhteshen er Makhtesh Ramon.
![](http://upload.wikimedia.org/wikipedia/commons/thumb/a/a9/Israel-2013-Aerial_00-Negev-Makhtesh_Ramon.jpg/220px-Israel-2013-Aerial_00-Negev-Makhtesh_Ramon.jpg)
![](http://upload.wikimedia.org/wikipedia/commons/thumb/1/12/Makhtesh_Gadol%27s_southern_%22Ribs%22.jpg/220px-Makhtesh_Gadol%27s_southern_%22Ribs%22.jpg)
![](http://upload.wikimedia.org/wikipedia/commons/thumb/8/86/Har_%27Arif_Makhtesh_041014.jpg/220px-Har_%27Arif_Makhtesh_041014.jpg)
Sjølv om dei ofte vert omtalte som «krater», er desse formasjonane danna av erosjon, medan krater vert danna av nedslag av ein meteor eller eit vulkanutbrot.[1]
Geologi
endreEit hardt ytre lag av stein dekkjer mjukare bergartar. Erosjonen fjernar dei mjukare bergartane, og vert vaska bort under den hardare bergarten. Den hardare bergarten kollapsar så under si eiga vekt og den kraterliknande dalen oppstår. I makthteshar i Negev og Sinai er desse harde bergartane kalkstein og dolomitt, medan dei indre, mjukare bergartane er kalk eller sandstein.[2]
Negev
endreNegev har fem makhteshar: Makhtesh Ramon, Makhtesh Gadol, Makhtesh Katan og to mindre makhteshim ved Arif-fjellet, sør for Makhtesh Ramon.
- Makhtesh Ramon vert drenert av to elvar (Nahal Ramon og Nahal Ardon). Han er den største makhteshen og er over 40 km lang og 2-10 km brei, og over 500 meter djup. Bergarten i denne makhteshen inneheld tusenvis av fossil av ammonittar, i tillegg til vulkanske og metamorfe bergartar.
- Makhtesh Gadol (Store Makhtesh) var då han vart namngjeven den største kjende makhteshen.
- Makhtesh Katan (Vesle Makhtesh) er den minste av dei tre store makhteshane og er 7 km lang og 5 km brei.
Sinai
endreDei to makhteshane i Sinai i Egypt har ikkje namn, men veggane har fleire namn som Jabal al-Manzur eller Gebel Maghara.
Galleri
endre-
Veggane i Makhtesh Katan
-
Fargerik sandstein i Makhtesh Katan
-
Makhtesh Katan
-
Fargerik sandstein i Makhtesh Katan
-
Akasietre innafor Makhtesh Gadol
-
Tåke strøymer over nordkanten av Makhtesh Gadol
-
Ramonmonoklinen på sørsida av Makhtesh Ramon
-
Ramonforkastinga på sørsida av Makhtesh Ramon
Kjelder
endre- Denne artikkelen bygger på «Makhtesh» frå Wikipedia på engelsk, den 3. oktober 2014.
- Wikipedia på engelsk oppgav desse kjeldene: