Hålogaland lagmannsrett

69°39′17.831″N 18°57′55.850″E / 69.65495306°N 18.96551389°E / 69.65495306; 18.96551389

Hålogaland lagmannsrett har sitt hovudsete i Tromsø og er ein av seks lagmannsrettar i Noreg.

Lagmannsretten er ankedomstol over avgjerder i dei tingrettane som høyrer til lagdømmet - både i straffesaker og i sivile saker, sjå nærare om sakshandsaminga i artikkelen lagmannsrett. Lagmannsretten sine avgjerder kan - i noko avgrensa omfang - bli påkjært eller anka til Høgsterett.

Jurisdiksjon

Lagdømmet omfattar fylka Nordland, Troms og Finnmark i tillegg til Svalbard og Jan Mayen, jmr. oversikta nedst på sida over dei tingrettar som høyrer til Hålogaland lagdømme.

Organisering

Forutan i Tromsø blir det jamleg sett rett i Mosjøen, Bodø og Vadsø, og om det trengst andre stader i rettskrinsen, f.eks. når retten må på synfaring. Lagmannsretten blir leida av ein førstelagmann og har i tillegg ein lagmann og 14 lagdommarar.

Historie

Hålogaland lagmannsrett vart grunnlagd i 1890 med sete i Tromsø. Fram til 1936 vart ankar i sivile saker handsama av Trondhjem stiftsoverrett.

Førstelagmenn i Hålogaland lagmannsrett

- 1992-2000 Gaute Gregusson
- 2000-2017 Arild Oskar Eidesen
- 2017- Monica Hansen Nylund

Bakgrunnsstoff

Hålogaland lagmannsrett si heimeside
Statsbygg: Hålogaland lagmannsrett
Artikkel om Tromsø tinghus i Arkitekturguide for Nord-Norge og Svalbard
Denne rettsvitskapsartikkelen er ei spire. Du kan hjelpe Nynorsk Wikipedia gjennom å utvide han.