Frederik Borchsenius
Frederik Charlow Sophus Borchsenius (10. januar 1808–12. desember 1880) var ein norsk jurist, embetsmann og stortingsmann.
| Frederik Borchsenius | |
| Statsborgarskap | Noreg |
| Fødd | 10. januar 1808 Værum |
| Død |
12. desember 1880 (72 år) |
| Yrke | fut, politikar |
| Språk | norsk |
Borchsenius var fødd i Værum på Jylland i Danmark. Han var brorson av Laurentius Borchsenius og kom til Noreg i 1829 då han fekk arbeid hos han. I 1832 tok han norsk juridisk eksamen og var deretter fem år fullmektig hos sorenskrivaren i nedre Telemark. Norsk statsborgar i 1837, same året konstituert fut i nedre Telemark. 1841-43 underrettsprokurator i Bratsberg amt. Frå 1844 til 1879 var han fut i nedre Telemark. Siste leveåret konstituert amtmann i Bratsberg.
Borchsenius var i 1843 medlem av ein kongeleg kommisjon om utvandring. Elles var han styreformann i sparebank i Skien, fyrst, og sidan Gjerpen.
Borchsenius representerte Bratsberg amt på Stortinget i 1842, 1845, 1848, 1854, 1857, overordentleg storting 1858, 1862-63 og overordentleg storting 1864. Han var sekretær i Stortinget 1842-1848. Elles mellom anna formann i desisjonskomiteen og sekretær i lovkomiteen i 1842, formann i protokollkomiteen i 1848. Medlem av vegkomiteen i 1854 og 1857. 1862-63 var han sekretær i bankkomiteen og medlem av matrikkelkomiteen.
Borchsenius døydde ved Skien i 1880.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Frederik Borchsenius NSD Norsk senter for forskningsdatas politikararkiv