Den siste viking

For andre tydingar av oppslagsordet, sjå Den siste viking (fleirtyding).

Den siste viking er ein roman av Johan Bojer. Den omhandlar kystmiljøet rundt Rissa i Trøndelag og fiskarane si reise til, og deltaking i lofotfisket. Boka kom ut i 1921 og har seinare vorte omsett til fleire språk. Ho vert rekna som den boka Johan Bojer hadde mest suksess med i Noreg. Bojer skildrar ein kultur som går tapt med framvoksteren av industrifisket. Han skildrar og kvardagskulturen i eit fiskevær for hundre år sidan. Boka gir og eit levande og autentisk bilete av fiskaren sit forhold til, og bruk av lofotbåten.

Den siste viking

Forfattar(ar)	Johan Bojer
Sjanger	Roman
Utgjeven	1921
Forlag	Gyldendal
Sider	277
ISBN 82-05-33972-4

Handling

Kristaver Myran, småbrukar og fiskar , kjøper lofotbåten «Kobben». Denne båten har kollsegla tre vintrar på rad. Kristaver arbeider med å finne ut kva som er feil med båten. Under ein storm kollseglar «Kobben» denne vinteren og. Kristaver ser no kva som må rettast på. Mannskapet på «Kobben» er og med på slaget i Trollfjorden i 1890.

Skodespel

Den siste viking har fleire gonger vorte oppsett som friluftsteater på Museet Kystens Arv på Stadsbygd. På framsyninga i 2007 var bl.a. Toralv Maurstad og Erik Wenberg Jacobsen i rollene. Det har òg vorte oppsett ved Trøndelag Teater.

Utgjevingar

• 1996: Storskriftforlaget, Oslo. ISBN 82-7790-040-6 - Les i fulltekst
• 2002: Cappelen Damm, lydbok, innlese av Per Frisch. ISBN 9788278441381.

Omsett til andre språk

• 1921 - rumensk: Ultimul viking
• 1921 - polsk: Ostatni wiking
• 1922 - fransk: Le dernier viking
• 1923 - engelsk: The Last of the Vikings
• 1923 - svensk: Den siste vikingen
• 1926 - italiensk: L'ultimo Viking
• 1933 - kroatisk: Posljednji Viking
• - tysk: Die Lofotfischer / Der letzte Wiking

Kjelder

• Denne artikkelen bygger på «Den siste viking» frå Wikipedia på bokmål, den 18. september 2011.