Breiflabb

Breiflabb eller tradisjonelt marulk (Lophius piscatorius) er ein botnfisk i breiflabbfamilien. Han kan veksa seg opptil 200 cm lang og med ein masse opp til 40 kg. Breidda på hovudet svarer til heile 2/3 av lengda.

Breiflabb
Breiflabb
Utbreiing og status
Status i verda: Livskraftig Status i Noreg: Livskraftig Utbreiinga av breiflabb
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Marulkar Lophiiformes
Familie:	Breiflabbfamilien Lophiidae
Slekt:	Lophius
Art:	Breiflabb L. piscatorius
Vitskapleg namn
Lophius piscatorius Linnaeus, 1758

Breiflabb i akvarium.

Skjelettet til ein breiflabb

 

Breiflabb sett frå sida. Henta frå FishBase.

Breiflabben er ein botnfisk som lever langs heile norskekysten ned til 2000 meter. Han har ein følar under hovudet som han bruker til leita seg fram med langs den mørke havbotnen og til å finna føde. Den fremste uggestrålen i rygguggen er omdanna til noko som liknar ein liten kjøtbit; med dette agnet lokkar han til seg småfisk, og sluker dei.

Mann med breiflabb.

I Noreg har breiflabbfiske vore eit slags bifiske, og dei fleste fiskarar har endåtil kasta han uti att som ufisk. Somme var so redde fisken at dei ikkje eingong ville ta han om bord i båten. I dei seinare åra har folk fått opp augo for den gode matfisken, og det blir drive breiflabbfiske med garn og lina. Breiflabben er omtykt mellom dykkarar, som gjerne stikk han med kniv.

Før fisken skal steikast eller kokast, må hovudet, flabbane og slimlaget (feitt og slikt) under skinnet av. Det einaste som er eteleg er ryggen/halen.

Insulin vart fyrste gong isolert frå bukspyttkjertelen til ein breiflabb.

Kjelder

• Breiflabb i Artsdatabanken. Besøkt 11. juni 2022.

Bakgrunnsstoff

• (no) breiflabb hos Artsdatabanken
• (en) breiflabb – oversikt og omtale av artane i WORMS-databasen
• (en) breiflabb i Encyclopedia of Life
• (en) breiflabb i Global Biodiversity Information Facility
• (sv) breiflabb hos Dyntaxa
• (en) breiflabb hos FishBase
• (en) breiflabb hos Fossilworks
• (en) breiflabb hos ITIS
• (en) breiflabb hos NCBI
• (en) Kategori:Lophius piscatorius – bilete, video eller lyd på Wikimedia Commons
• (en) Lophius piscatorius – galleri av bilete, video eller lyd på Wikimedia Commons

• Breiflabb-gyting i fangenskap. Artikkel ved NRK.no
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.