David Bakke
David Olsson Bakke 30. april 1857–25. april 1935 var ein gardbrukar, verkstyrar og stortingsmann for Venstre frå Ytre Holmedal i Sunnfjord.
Bakke var son til ein gardbrukar som fire periodar var varamedlem til Stortinget. Sjølv gjekk han folkehøgskule og landbruksskule før han overtok farsgarden i 1880. Året før, 1879, tok han til som styrar av eit teglverk, ei stilling han hadde i 20 år.
Bakke var medlem av heradsstyret i Ytre Holmedal frå 1884 til -88 og i tida 1894-1911. I ni av åra var han ordførar. År 1887 var han redaktør av Firda og Sygnafylkets avis. Han var formann i venstreforeininga i amtet, og 5. representant frå Nordre Bergenhus amt til Stortinget 1900-03; medlem av næringskomite nr 1. På ny vald til stortingsrepresentant for 1913-15, då for einmannskrinsen Søndfjord, gjenvald for perioden 1916-18. Han var då medlem av vegkomiteen, formann 1917 og det meste av 1918-sesjonen.
Bibliografi
David Olsson Bakke (1948). Fjaler i gamle dagar. Utgjevarstad ukjent: Fjaler sogelag.
Kjelder
- Lindstøl, Tallak:Stortinget og Statsraadet 1814-1914. Kristiania, 1914
- «Sogn og Fjordane samsøk». Henta 15.10.2014.
Bakgrunnsstoff
- «Fjognedok : register over lokalhistorisk litteratur utgitt i Sogn og Fjordane frå 1865 og til i dag». Sogn og Fjordane fylkesbibliotek. Den ukjende parameteren
|vitjingsår=
vart ignorert (hjelp)