Wikipedia:Wikimedia
![](http://upload.wikimedia.org/wikipedia/commons/thumb/1/12/Wikimedia_logo_text_RGB.svg/141px-Wikimedia_logo_text_RGB.svg.png)
De Wikimedia Foundation (Wikimedia-Stiftung) is de Organisatschoon, de de Wikipedia un ehr Süsterprojekten bedrievt. As gemeennüttige Stiftung hett se dat Teel, Weten för jedereen op de Welt to Verfögen to stellen un dat mööglichst in sien egene Spraak.
Organisatschoon
[Bornkood ännern]Dat Laid bi de Stiftung hett en Kuratorium ut fief Personen. Vörsitter vun dat Kuratorium un Präsident vun de Stiftung is de Grünner vun de Wikipedia, Jimbo Wales. Twee vun de Liddmaten in’t Kuratorium warrt all twee Johr vun de Brukers in de Wikimedia-Projekten köört. Dorto höört opstunns Florence Nibart-Devouard. De twete Plaats warrt in’n Harvst 2006 nee besett. Dorto kaamt denn noch Tim Shell, Wikipedianer vun Anfang an, as Sekretär un Michael Davis as Schattmeester.
Wikimedia-Afleggers
[Bornkood ännern]In welk Länners hebbt sik Afleggers vu de Wikimedia grünnt, de de Arbeit un de Telen vun de Foundation ünnerstütten doot. Disse Afleggers sünd Kontaktadressen för Firmen un Organisatschonen ut dat Land, maakt Pressarbeit un lokale Veranstaltungen un sammelt Geller. Vun sone Afleggers gifft dat Wikimedia Deutschland, Wikimédia France, Wikimedia Italia, Wikimedia Polska, Wikimedia Serbia, Wikimedia UK, Wikimedia Nederland un Wikimedia CH.
Weblenken
[Bornkood ännern]- Websteed vun de Wikimedia Foundation (mehrsprakig)
- Meta-Wiki (mehrsprakig)