Oostertimk
Wapen/Flagg | Koort | |
---|---|---|
| ||
Basisdaten | ||
Inwahners: | ||
Postleettall: | 27412 | |
Vörwahl: | 04289 | |
Geograafsche Laag: | Koordinaten:53° 15′ N, 9° 11′ O53° 15′ N, 9° 11′ O | |
![](http://upload.wikimedia.org/wikipedia/commons/thumb/0/0d/Ortsschild_Ostertimke.jpg/220px-Ortsschild_Ostertimke.jpg)
Oostertimk (hoochdüütsch Ostertimke) is en Dörp in de Gemeen Karktimk in’n Landkreis Rodenborg, Neddersassen.
Geografie
[ännern | Bornkood ännern]In’n Oosten von dat Dörp flütt de Baad langs un in’n Süüdoosten doot de Naturschuulrebeden Bullensee un Hemelsmoor liggen.
De Naveröörd sünd Oostereis mit Schohöben in’n Noorden, Badenst in’n Noordoosten, Brümmerhoff in’n Oosten, Wehldörp in’n Süüdoosten, Steenfeld in’n Süden, Karktimk in’n Westen un Ehbrook un Rohreis in’n Noordwesten.
Historie
[ännern | Bornkood ännern]De Oort Tymbeke kummt 1148 toeerst in de Oorkunnen vör. De Ünnerscheed twüschen Karktimk, Westertimk un Oostertimk is jünger.
Verwaltungsgeschicht
[ännern | Bornkood ännern]Vör 1885 leeg Oostertimk in’t Amt Zeven un na 1885 in’n Kreis Zeven. 1932 is de Oort Deel von’n Landkreis Bremervöör worrn un 1977 is dat denn an’n Landkreis Rodenborg kamen.
As 1929 de Gemeen Brümmerhoff oplööst worrn is, is de Oort Hemel mit üm un bi 30 Inwahners an Oostertimk fullen un dat egentliche Dörp Brümmerhoff an Olendörp. To’n 1. Oktober 1949 is Brümmerhoff denn aver wedder en egenstännige Gemeen worrn un hett dat ole Rebeed von Hemel mit 32 Inwahners trüggkregen.[1]
An’n 1. März 1974 is de Gemeen Oostertimk mit Karktimk to de ne’e Gemeen Karktimk tohoopleggt worrn.
Inwahnertall
[ännern | Bornkood ännern]Johr | Inwahners |
---|---|
[2] | 182420 Füürsteden |
[3] | 1848118 Lüüd, 24 Hüüs |
[4] | 1. Dezember 1910208 |
[5] | 1925202 |
[5] | 1933241 |
[5] | 1939245 |
[1] | 1. Oktober 1949357 |
![](http://upload.wikimedia.org/wikipedia/commons/thumb/9/93/Luftbild_Ostertimke.jpg/220px-Luftbild_Ostertimke.jpg)
Religion
[ännern | Bornkood ännern]Oostertimk is evangeelsch-luthersch präägt un höört to dat Kaspel von de Lambertus-Kark in Karktimk.
Wapen
[ännern | Bornkood ännern]Dat Wapen von Oostertimk wiest op blauen Grund en sülvern Wellenlien un dor över in Gold en Windroos mit en opgahn Sünn.
De Wellenlien steiht för de Baad un de opgahn Sünn as Symbol för den Oosten.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Oostertimk liggt an de Landsstraat 133, de in’n Noordoosten na Badenst un Zeven löppt un in’n Süüdwesten över Karktimk na Westertimk un Tarms. Na Süüdoosten löppt de Kreisstraat 111 na de Landsstraat 132 ran, de na Brüttendörp un Steenfeld geiht. De nächste Opfohrt op de Autobahn 1 is so bi 15 Kilometer weg de Opfohrt 49 Bokel.
De nächste Bahnhoff is de Bahnhoff Söttmer an de Bahnlien Bremen–Hamborg.
Scholen
[ännern | Bornkood ännern]Oostertimk hett keen School, aver en egen Kinnergoorn, den „Kindergarten Abenteuerland“. Dat is de Kinnergoorn von’e Gemeen Karktimk, ower dor goht uk Kinner ut Westertimk hin. De Kinnergoorn is 2009 inricht worrn, vörher weer dat en Speelkreis.
Lüüd
[ännern | Bornkood ännern]De plattdüütsche Schrieversche Grete Hoops is 1935 in Oostertimk boren.
Footnoten
[ännern | Bornkood ännern]- ↑ a b Neues Archiv für Niedersachsen. Band 3, W. Dorn, 1949, Sied 871
- ↑ C. H. Jansen: Statistisches Handbuch des Königreichs Hannover. 1824, Sied 600: http://books.google.de/books?id=tG0AAAAAcAAJ&pg=PA600
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html