Miroslav Filip
,_Bestanddeelnr_917-9984.jpg)
Miroslav Filip (* 27. Oktober 1928 in Prag; † 27. April 2009 ok dor) weer en tschechisch Schach-Grootmeester.
Schachkarriere
[ännern | Bornkood ännern]1953 wurr Miroslav Filip Internationaler Meester. 1954 wurr he in Oslo an dat Spitzenbrett vun der tschechoslowaaksch Mannschap Studentenweltmeester un 1955 Grootmeester. In de 1950er un 1960er Johren hörr he to de Weltspitz un speel tweemal in’ Kandidatenturnier: in Amsterdam 1956 wurr he Achter[1], in Curaçao 1962 keem he up den söbenten Platz[2]. Dormit weer he tweemal en vun de teihn best Speler up de Welt. Över 20 Johr hörr he to de Natschonalmannschap vun de Tschechoslowakei un speel twalfmal (in de Johren 1952 bit 1974) bi de Schacholympiade, dorvan dreemal an dat eerste Brett. Bi de Olympiade hett he insgeamt 194 Partien speelt un 114 Punkte halt (58,76 %). Filip speel ok dreemal (in de Jhren 1957 bit 1970) för sien Land bi de Europamannschapsmeesterschap un wunn twee Medaillen: Gold 1970 för sien individuelle Leistung an dat tweete Brett un Bronze mit de Mannschaft in dat Johr1957[3].
In de Johren 1950, 1952 un 1954 wunn Filip de Landsmeesterschap vun de Tschechoslowakei[4]. Ok in völ internationalen Turnieren hett he bannig good afsneeden: He keem up den deelten eersten Platz in Prag 1956 un weer Sieger in Marienbad 1960, Buenos Aires 1961 un Bern 1975[5].
Miroslav Filip weer Jurist mit en Doktertitel. Anfang vun de 1980er Johren hett he sien aktive Karriere beend un arbeidt as Schachjournalist un -publizist. Filip führ de Schachrubrik vun de Prager Sporttageszeitung Denik Sport[6]. Bi de Wahl vun den besten tschechoslowaaksch/tschechischen Schachspeler vun all Tieden keem he up Platz 6. Sössmal weer he ok Schiedsrichter in en Wettstriet um de Weltmeesterschap.
Sien best historsch Elo-Tall weer 2677 in’ März 1962.
Böker
[ännern | Bornkood ännern]- Turnaj kandidátů mistrovství sveta Amsterodam 1956, Kandidatenturnier um de Weltmesterschap Amsterdam 1956, 1958
- Sto dní v Baguiu, Hunnert Daag in Baguio, 1978
- Celý svet se od nich učí, De ganze Welt lernt vun hör, 1980
- 50 Glanzpartien vun tschechoslowaaksch Grootmeesters, 1983
- Schacholympiade Luzern 1982, 1983 (mit Erwin Rosenblatt)
Weblenken
[ännern | Bornkood ännern]- Miroslav Filips Partien up chessgames.com (engelsch)
Enkeld Nahwiesen
[ännern | Bornkood ännern]- ↑ 1956 Amsterdam Candidates Tournament
- ↑ 1962 Curacao Candidates Tournament
- ↑ OlimpBase
- ↑ http://www.chess.cz/web/souteze/mcr-muzi/_2007/historie.html
- ↑ W. Litmanowicz, J.Gizycki Szachy od A do Z, Warszawa 1984, str. 252-253
- ↑ Anfang vun de 1990er Johren weer he för eenig Tiet an dat Schachgymnasium Altensteig tätig. Kolumne von 14. Februar 2007