Flagg vun Nepal
![](http://upload.wikimedia.org/wikipedia/commons/thumb/9/9b/Flag_of_Nepal.svg/220px-Flag_of_Nepal.svg.png)
![Natschonalflagg an Land](http://upload.wikimedia.org/wikipedia/commons/thumb/6/6f/FIAV_111000.svg/20px-FIAV_111000.svg.png)
![](http://upload.wikimedia.org/wikipedia/commons/thumb/1/1d/Nepal_flag_photo.jpg/220px-Nepal_flag_photo.jpg)
De hüdige Flagg vun Nepal wurr offiziell an' 16. Dezember 1962 as Natschonalflagg annommen. Traditschonell wurr se in verscheeden Variatschonen aber all 200 Johren tovör bruukt.
Bedüüden
[ännern | Bornkood ännern]De Farv Blau steiht för Freden. Karminroot is de nepaleesch Natschonalfarv. Halfmaand un Steern symboliseeren dat Königshuus, de Sünn dorgegen de eddelige Rana-Dynastie, de dat Land de facto lang beherrschen dee un den Ministerpräsidentenposten arvlich inneharr. Hüüd staht disse Symbole för dat Haapen, dat de Natschoon so lang Bestand hett as de Himmelskörper. De twee Zipfel staht för de Bargtippen vun den Himalaya.
Form
[ännern | Bornkood ännern]De nepaleesch Flagg is de eenzige Natschonalflagg vun de Welt, de mehr as veer Ecken hett. Tosätzlich is se neben de Flagg vun de Swiez de eenzige Natschonalflagg, de nich de Form vun en Rechteck mit ungliek Kantenlängen hett (de offiziell Flagg vun den Vatikan is woll ebenfalls quadratisch, allerdings wurrn ok rechteckige Varianten offiziell bruukt).
De ungewöhnliche Form vun disse Flagg entstunn för 100 Johren, as twee Wimpel to en Flagg tosommenfaat wurrn. Bi de Verfaatensännern vun dat Johr 1962 wurr de Gesichter ut den Maand un de Sünn wegnommen. Dat Binnere vun de Flagg steiht in en nipp un nau 3:4-Siedenverhältnis. Insluutend den blauen Rand ergifft sück denn en Siedenverhältnis vun dat ümschrieven Flaggenrechteck to ca. 1:1,219.
An' 9. November 1990 wurr de Verfaaten vun Nepal en nip un nau Anleiden to de geometrisch Konstruktschoon vun de Flagg tofüügt, de dör den Gebruuk vun blots een Zirkel un een Lineal funktschoneert.[1] De Artikel beschrifft de Vergahnswies, um de Flagg up karmesinroot Stoff utgahnd vun de Grundlien (Breedt) un de Hööcht to konstrueeren:
- De Hööcht wurrd as 4/3 vun de Breedt defineert.
- Dat ünnere Dreeeck hett rechts en 45°-Winkel. De Verlängerung vun de Diagonale draapt den linken Rand dorher in en Afstand över de Grundlien, de gliek de Breedt vun de Grundlien is.
- De waagerechte Lien vun dat bövere Dreeeck snitt de schräg Lien vun dat ünnere Dreeeck so, dat de Streck vun dissen Snittpunkt bit to'n rechten ünneren Punkt gliek de Breedt vun de Grundlien is.
- Doro kummt de blau Rand. Ok de sien Breedt as ok de Positschoon un Grött vun de Sünn un den Maand is nipp un nau fastleggt.
Ehmalige Flaggen
[ännern | Bornkood ännern]Subnatschonale Flaggen
[ännern | Bornkood ännern]Parteiflaggen
[ännern | Bornkood ännern]De verscheeden Parteien in Nepal bruuken ok eegen Flaggen.
-
Rastriya Prajatantra Party RPP (Nationaldemokratische Partei)
Literatur
[ännern | Bornkood ännern]- Smith/Neubecker: Wappen und Flaggen aller Nationen. München 1980, ISBN 3-87045-183-1.
- Michel R. Lupant: Drapeaux royaux et militaires du Népal. Centre Belgo-Européen d’Études des Drapeaux 1995.
Weblenken
[ännern | Bornkood ännern]- Flags of the World - Nepal (engelsch)
- Numberphile: The Most Mathematical Flag, Geometrische Konstruktschon vun de nepaleesch Flagg (engelsch)
Footnoten
[ännern | Bornkood ännern]- ↑ Constitution of Nepal - Schedule 1 1. Tosatz to de Verfaaten vun Nepal. Afropen an' 10. November 2013