Cory Doctorow
Cory Doctorow (utspraken [ˈkɒri ˈdɒktəroʊ]; * 17. Juli 1971 in Toronto) is en kanaadschen Blogger, Journalist un Science-Fiction-Schriever. He sett sik för en liberaler Oorheverrecht un för Creative Commons in un bruukt de Lizenzen ok för siene Böker.
Leven
[ännern | Bornkood ännern]Doctorow is 1971 in Toronto boren. He hett sien Highschool-Diplom an de SEED-School maakt is aver ahn Afsluss von de Universität afgahn.
In’n Juni 1999 hett he tohoop mit John Henson un Grad Conn de Firma Opencola för fre’e P2P-Software grünnt. De Firma hebbt se in’n Sommer 2003 an de Open Text Corporation in Waterloo verköfft.[1]
Doctorow is denn na London tagen un hett för veer Johr för de Electronic Frontier Foundation arbeidt[1] un de Open Rights Group mit opstellt. Disse Arbeid hett he in’n Januar 2006 opgeven, dat he mehr Tied för dat Schrieven hett. 2006/2007 weer he mit en Fulbright-Stipendium an’t USC Center on Public Diplomacy. 2007 güng he denn trüch na London.
Doctorow is sied den 26. Oktober 2008 mit Alice Taylor verheiraadt. De beiden hebbt en Dochter tohoop.
Schriever
[ännern | Bornkood ännern]Down and Out in the Magic Kingdom, Doctorow sien eerst Roman, is in’n Januar 2003 rutkamen un weer de eerste Romaan, de ünner de Creative-Commons-Lizenz CC-BY-NC-ND freegeven weer, de de Lesers verlöövt, dat Book wiedertogeven, solang se dor man keen Geld mit maakt un dat Book nich verännert.
In’n Februar 2004 hett Doctorow dat Book denn ünner de Creative-Commons-Lizenz CC-BY-NC-SA freegeven, de ok dat Verännern verlöövt, dat to’n Bispeel ok Fan-Fiction mööglich is. Dat Book weer för en Nebula Award nomineert[2] un hett 2004 den Locus Award för den Besten Eersten Romaan wunnen.
Doctorow hett siene annern Böker ok all ünner CC-BY-NC-SA freegeven, jümmer gliektiedig mit de druckte Utgaav.
Sien Kortgeschichten-Band A Place So Foreign and Eight More is 2004 rutkamen un hett en Sunburst Award kregen. De Geschicht 0wnz0red ut den Band hett 2004 den Nebula Award för de Beste Kortgeschicht kregen.[3]
De Romaan Little Brother is 2008 rutkamen un weer 2009 för en Hugo Award nomineert un hett den Prometheus Award[4] un Sunburst Award[5] för 2009 wunnen un ok den John W. Campbell Memorial Award.
Verscheel över’t Oorheverrecht
[ännern | Bornkood ännern]Doctorow meent, dat dat Oorheverrecht liberaler warrn schall, dat dat verlöövt wesen schall, Warken free wiedertogeven, vonwegen dat dat sounso nich mööglich is, de Warken ünner Kuntrull to hollen. He seggt, dat Autoren Kuntrull över dat Verköpen von jemehr Warken hebben schöölt. Dat Wiedergeven, ahn dat dor Geld in’t Speel is, fallt dor aver nich ünner.
Doctorow geiht ok gegen dat Digital Rechtenmanagement gegen an, vonwegen dat dat dat Bruken von Warken inschränkt, för de de Brukers betahlt hebbt.
Priesen
[ännern | Bornkood ännern]- 2000 John W. Campbell Award for Best New Writer[6]
- 2004 Locus Award for Best First Novel för Down and Out in the Magic Kingdom
- 2004 Sunburst Award för A Place So Foreign and Eight More
- 2007 Electronic Frontier Foundation Pioneer Award[7]
- för Little Brother:
- 2009 John W. Campbell Memorial Award[8]
- 2009 Prometheus Award[4]
- 2009 Sunburst Award.[5]
Warken
[ännern | Bornkood ännern]Science-Fiction-Romaans
[ännern | Bornkood ännern]- Down and Out in the Magic Kingdom (Tor Books, 2003)
- Eastern Standard Tribe (Tor Books, 2004)
- Someone Comes to Town, Someone Leaves Town (Tor Books, 2005)
- Little Brother (Tor Books, 2008)
- Makers (Tor Books, 2009)
- For The Win (Tor Books, 2010)
Kortgeschichten un Anthologien
[ännern | Bornkood ännern]- 0wnz0red, Kortgeschicht, 2002
- Truncat (Kortgeschicht), 2003
- A Place So Foreign and Eight More (Kortgeschichten-Band, Four Walls Eight Windows, 2003)
- i, robot (för’n Hugo nomineert Kortgeschicht, InfiniteMatrix.net, 2005)
- Overclocked: Stories of the Future Present (Kortgeschichten-Band, Thunder's Mouth Press, 2007) ISBN 1560259817
- Scroogled, 2007
- True Names, (Kortgeschicht mit Benjamin Rosenbaum) in Fast Forward 2, Lou Anders, ISBN 978-1-59102-692-1, 2008
Annern Kraam
[ännern | Bornkood ännern]- Ebooks: Neither E Nor Books. (Online-Text) (12. Februar 2004)
- Glenn Yeffeth, ed., The Anthology at the End of the Universe?, Kapitel Wikipedia: A Genuine H2G2-Minus the Editors, Benbella Books ISBN 1-932100-56-3
- The Complete Idiot’s Guide to Publishing Science Fiction (Alpha Books, 2000)
- Essential Blogging (O'Reilly and Associates, 2002). ISBN 0-596-00388-9
- /usr/bin/god (Romaan; Tor Books)
- Content: Selected Essays on Technology, Creativity, Copyright, and the Future of the Future (September, 2008)
- There’s a Great Big Beautiful Tomorrow / Now is the Best Time of Your Life (Novella)
Footnoten
[ännern | Bornkood ännern]- ↑ a b http://uscpublicdiplomacy.com/index.php/about/bio_detail/cory_doctorow/
- ↑ http://www.worldswithoutend.com/books_nebula_index.asp
- ↑ http://www.locusmag.com/SFAwards/Db/Nebula2004.html
- ↑ a b http://lfs.org/releases.htm
- ↑ a b http://www.sunburstaward.org/content/2009-winners
- ↑ http://www.nesfa.org/data/LL/Hugos/hugos2000.html
- ↑ http://www.privacydigest.com/2007/03/31/eff%20yochai%20benkler%20cory%20doctorow%20and%20bruce%20schneier%20win%20eff%20pioneer%20awards
- ↑ http://www.worldswithoutend.com/books_campbell_index.asp?at=CA&emulate=&navi=%23year09&Page=1&PageLength=10
Weblenken
[ännern | Bornkood ännern]
- Cory Doctorow sien Websteed (engelsch)
- Blog Boing Boing (engelsch)