Marcellus I.
Marcellus I. († 309) weer wohrschienlich van’ Mai 307 bit 309 Bischop vun Rom.
He weer Nahfolger vun Marcellinus nah de längste Sedisvakanz in de Paapsthistorie, de veer Johren düer. Marcellus hett de Upgaav övernommen, de Kark, nah de Christenverfolgung dör Diokletian, weer nee uptobauen un to organiseeren. Nah dat Liber Pontificalis hett he 25 Titelkarken inricht. He hett en Coemeterium in de Via Salaria tegenöver de Priscilla-Katakombe baut.
Wiel he för streng Straafen tegenöver affallen Christen wiels de vergahn Verfolgungen intreeden dee, wurr he 309 ünner Kaiser Maxentius wegen Tumulten ut Rom verbannt. He is denn noch in dat sülvig Johr storven un wurr in de Calixtus-Katakombe bisett.
He wurrd mit de Attributen Esel un Kriebe dorstellt. Sien Gedenkdaag sünd:
- kathoolsch: 16. Januar
- orthodox: 7. Juni
Weblenken
- Johann Peter Kirsch: Pope St. Marcellus I. In: Catholic Encyclopedia (engelsch, Utgaav 1913)
- Gesamtwerk von Migne Patrologia Latina mit Inholtsverteken
- DNB-Katalog
| Vörgänger | Amt | Nafolger |
| Marcellinus | Paapst ca. 307 - 209 |
Eusebius |