Gröne Week
![](http://upload.wikimedia.org/wikipedia/commons/thumb/1/1e/Berlin_Messe.jpg/220px-Berlin_Messe.jpg)
![](http://upload.wikimedia.org/wikipedia/commons/thumb/0/01/Bundesarchiv_Bild_102-09139%2C_Berlin%2C_Gefl%C3%BCgelz%C3%BCchter_bei_der_Gr%C3%BCnen_Woche.jpg/220px-Bundesarchiv_Bild_102-09139%2C_Berlin%2C_Gefl%C3%BCgelz%C3%BCchter_bei_der_Gr%C3%BCnen_Woche.jpg)
![](http://upload.wikimedia.org/wikipedia/commons/thumb/c/c9/Gr%C3%BCne_Woche.jpg/220px-Gr%C3%BCne_Woche.jpg)
De Internatschonale Gröne Week Berlin, kort Gröne Week nöömt, is en Mess in Berlin, op de Herstellers un Vermarkters ut de ganze Welt Produkte ut de Bueree wiest. De Mess steiht för jeedwereen apen, nich blot för Fackbesökers. De Gröne Week is op de Welt de wichtigste Mess för Etelworenweertschop, Bueree un Goornbo un is jümmer elk Johr to Anfang von’t Johr in de Messehallen ünner’n Funktoorn in Berlin.
Geschicht
De eerste Gröne Week geev dat von’n 20. bet to’n 28. Feberwor 1926. En Mitarbeider bi’t Berliner Frömmenverkehrsamt harr de Idee hatt, dat dat to de Winterdagfohrt von’e Düütsche Landweertschops-Sellschop in Berlin elk Johr ok en Utstellung geven schull. Dat weer sounso al so, dat to de Dagfohrt op de Straat veel Bueree-Kraam an de Lüüd von de Dagfohrt verköfft worrn is. Dat schull in en orrig Bahn lenkt warrn. In’t eerste Johr harr de Utstellung op 7.000 m² 50.000 Besökers. Bet 1939 geev dat elk Johr en Gröne Week, mit Utnahm von 1938, de utfullen is vonwegen de Muul- un Klauensüük. Na en Paus den Krieg dör geev dat 1948 wedder en Gröne Week. 1950 is de Utstellung vonwegen nödige Boarbeiden noch wedder utfullen, aver von 1951 af an hett dat nu wedder elk Johr en Gröne Week geven. Dat geev nu bilütten ok jümmer mehr Utstellers ut dat Butenland. 1963 to’n Bispeel weren dat al twee Drüddel. Besünners sied de Johren 1990, nadem Düütschland wedder vereenigt weer un sik de Oostblock apent harr, güng dat mit de Gröne Week stüttig opwarts.
Weblenken
- Websteed von de Gröne Week (hoochdüütsch)