Silke Bellmann

Silke Bellmann
Personen-Informatschoonen
Boortsdag	1964
Natschoonalität	Düütsch
Kunnig för	Schrieversche
Arbeid	Mitarbeidersche Gemeen Stuhr

Silke Bellmann (* 1964) is ene plattdüütsche Schrieversche. Se arbeid för de Gemeen Stuhr in’n neddersassischen Landkreis Deefholt un is mit Wilfried Bellmann verheiraad, de ook bi de Gemeen Stuhr arbeid het.

De beiden Ehlüüd hebbt 2001 gemeensam een plattdüütsch Dööntjes- un Geschichtenbook ruutbrocht un schrivt in ere free’e Tied gemeensam plattdüütsche Vertellens un Dööntjes. Een Deel vun den Vertellen un Dööntjes, de de Ehlüüd gemeensam schreven hebbt, is ook in den Sammelbännen vun de Schrieverskring bi’n Kreisheimaatbund Deefholt ruutkomen. Bellmann nimt regelmatig an de Schrievweddstried Vertell doch mal deel un weer jümmers wedder Jurymaat bi den Weddstried Schoolkinner leest Platt in’n Landkreis Deefholt.

Bellmann un eer Mann sind grote Fans vun de hoog- un plattdüütsche Band Godewind un hebbt an de 300 Konzerte besöcht. De Band schall de Ehlüüd Bellmann ook andreven hebben Platt to leren, so dat de beiden enen plattdüütschen Spraakkurs bi de Schrieversche Anneliese Kiehne-Tecklenburg up de Volkshoogschool in Varrel besöcht hebbt.

Wark

• Ünner’n Regenbogen sünd wi tohuus: Plattdüütsche Geschichten, Eerstuutgaav Stuhr, Sülvstverlag, 2001. (Tohope mit Willfried Bellmann)

Weblenken

• Silke Bellmann in de Datenbank Die niederdeutsche Literatur (hoogdüütsch)
• Silke Bellmann up Plattmakers Black