Beverly Hills Cop III: Ünnerscheed twischen de Verschonen
Keine Bearbeitungszusammenfassung |
LKeine Bearbeitungszusammenfassung |
||
| Reeg 52: | Reeg 52: | ||
De Dreihbookschriever [[Steven E. de Souza]] hett den Film toeerst as en Oort ''[[Die Hard]] in’n Pleseerpark'' anleggt. Jeedeen vun sien Freetiet-Attrakschonen harr so üm un bi 10 Millionen [[US-Dollar]] un de hele Film ruchweg 70 Millionen US-Dollar köst. Man, nadem de Film ''[[The Distinguished Gentleman]]'', in den ok Eddie Murphy de Hööftrull speelt hett, blots teemlich wenig inspeelt harr, hett [[Paramount Pictures]] beslaten, dat Budget op 55 Millionen US-Dollar to körten. De Film schüll sik dorüm mehr op de Polizeiarbeit un dat Rutfinnen kunzentreeren as op Actionszenen. Tietwies weer de Produkschoon sogor anhollen un de Spitz vun Paramount versöch, de Lasten mit dat Budget ünner Kontroll to bringen.Man an’t Enn leegen de Kosten sogor noch över 70 Millionen US-Dollar. Alleen 15 Millionen US-Dollar dorvun weern de [[Gaasch]] vun Eddie Murphy. |
De Dreihbookschriever [[Steven E. de Souza]] hett den Film toeerst as en Oort ''[[Die Hard]] in’n Pleseerpark'' anleggt. Jeedeen vun sien Freetiet-Attrakschonen harr so üm un bi 10 Millionen [[US-Dollar]] un de hele Film ruchweg 70 Millionen US-Dollar köst. Man, nadem de Film ''[[The Distinguished Gentleman]]'', in den ok Eddie Murphy de Hööftrull speelt hett, blots teemlich wenig inspeelt harr, hett [[Paramount Pictures]] beslaten, dat Budget op 55 Millionen US-Dollar to körten. De Film schüll sik dorüm mehr op de Polizeiarbeit un dat Rutfinnen kunzentreeren as op Actionszenen. Tietwies weer de Produkschoon sogor anhollen un de Spitz vun Paramount versöch, de Lasten mit dat Budget ünner Kontroll to bringen.Man an’t Enn leegen de Kosten sogor noch över 70 Millionen US-Dollar. Alleen 15 Millionen US-Dollar dorvun weern de [[Gaasch]] vun Eddie Murphy. |
||
De Themenpark „Wonderworld“, de in’n Film wiest warrt is de [[Vortex (California’s Great America)|California's Great America]], ofschoonst en poor Ännern an’t ''Columbia Carousel'' und den ''Vortex roller coaster'' maakt worrn sünd. De Park liggt in [[Santa Clara (Kalifornien)|Santa Clara]], Kalifornien, un nich in Beverly Hills, as dat in’n Film vertellt warrt. De meisten [[Stunt]]s in de 'Sky Whirl''-Szeen weern in’t Studio opnahmen. In de Szeen hett ok [[George Lucas]] en [[Cameo]]-Optritt. Ok de Tunnels ünner’n Park weern in’t Studio dreiht. |
De Themenpark „Wonderworld“, de in’n Film wiest warrt is de [[Vortex (California’s Great America)|California's Great America]], ofschoonst en poor Ännern an’t ''Columbia Carousel'' und den ''Vortex roller coaster'' maakt worrn sünd. De Park liggt in [[Santa Clara (Kalifornien)|Santa Clara]], Kalifornien, un nich in Beverly Hills, as dat in’n Film vertellt warrt. De meisten [[Stunt]]s in de 'Sky Whirl''-Szeen weern in’t Studio opnahmen. In de Szeen hett ok [[George Lucas]] en [[Cameo (Optritt)|Cameo]]-Optritt. Ok de Tunnels ünner’n Park weern in’t Studio dreiht. |
||
== Anners wat == |
== Anners wat == |
||
Version vun 14:12, 6. Feb. 2014
| Filmdaten | |
|---|---|
| Plattdüütsch Titel: | — |
| Originaltitel: | Beverly Hills Cop III |
| Düütsch Titel: | Beverly Hills Cop III |
| Produkschoonsland: | USA |
| Johr vun’t Rutkamen: | 1994 |
| Läng: | 100 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | John Landis |
| Dreihbook: | Steven E. de Souza |
| Produkschoon: | Mark Lipsky Mace Neufeld Robert Rehme |
| Musik: | Nile Rodgers |
| Kamera: | Mac Ahlberg |
| Snitt: | Dale Beldin |
| Szenenbild: | Michael Seymour |
| Kledaasch: | Catherine Adair |
| Dorstellers | |
| |
Beverly Hills Cop III (op plattdüütsch so veel as „Polizist vun Beverly Hills III“) is de Titel vun en US-amerikaansche Action-Kummedie ut dat Johr 1994. Mit den Film vun Speelbaas John Landis warrt de Reeg vun Beverly Hills Cop (1984) un Beverly Hills Cop II (1987) wieterföhrt. De Hööftrull speelt ok ditmol wedder Eddie Murphy.
Inholt
Bi en Insatz gegen en Warksteed in Detroit, woneem Autos utslacht warrt, kriegt Axel Foley un sien Lüüd dat unvermodens mit Beropskillers to doon, de jüst togegen sünd, üm in de Warksteed en Lastwagen mit wichtige Fracht aftohalen. Bi de Scheeteree warrt Axel sien Baas, Inspekter Todd, doodschaten. En Spoor wiest na Los Angeles, na’n Freetietpark Wonderworld. Foorts maakt sik Axel op’n Weg dorhen un söcht sien ollen Fründ Billy Rosewood op, de intwüschen Bass vun en Sünnereenheit bi de Polizei vun Los Angeles is. He un sien Partner Jon Flint seggt em Hülp to.
In’n Freetietpark kriggt Axel gau Arger mit den Wachdeenst vun Wonderworld. As he den Baas vun’n Sekerheitsdeenst, Ellis DeWald, dröpt, kennt he em as Möörder vun Todd wedder. He hett aver keen Bewiesen, üm en in Haft to nehmen. Dorför kriggt he unvermodens Besöök vun Unkel Dave, den Grünner un Patroon vun’n Park, un sien Anstellte Janice, de sien Hülp bruken doot. Dave sien Fründ un Partner Roger Fry is neemlich ünner snaaksche Ümstännen verswunnen un sien letzten Breef, den he an Dave schreven hett, gifft Radels op.
Foley forscht op egen Fuust wieter in Park na. Dorbi deckt he op, dat DeWald un sien Lüüd midden in’n Park en Falschgeldring bedrieven deit. Dorför nehmt se aver keen normal Papeer, man sünner’t Banknotenpapeer, dat mit den Lastwagen ut Detroit transporteert worrn is. Un dat is ok dat Papeer, op dat Roger Fry sien letzten Breef schreven hett. DeWald schütt mit Foley sien Pistool op Uncle Dave, üm so de letzten Tügen uttoschalten. Dormit schall dat so utsehn, as harr Axel den ollen Mann an de Siet maakt. Foley neiht aver rechttietig ut un kann Uncle Dave in en Krankenhuus bringen. Liekers sett DeWald em wieter ünner Druck, vunwegen dat he noch Janice as Börgsche in sien Gewalt hett. Axel sliekt torüch in den Park un geiht tosamen mit Rosewood un Flint gegen de Bande vör. Tohopen künnt se den helen Falschgeldring hoochnehmen.
An’t Enn bedankt sik Uncle Dave, de intwüschen wedder gesund is, apentlich bi Axel Foley un föhrt to sien Ehren en ne’e Figur in’n Park in, den Voss „Axel Fox“.
Kritiken
- James Berardinelli beteken den Film op ReelViews as en uninspireerten Versöök, wedder an de Popularität vun Eddie Murphy ut de 1980er Johren rantokamen. Loovt hett he blots de Nevenrull vun Bronson Pinchot.[1]
- In de Washington Post vun’n 27. Mai 1994 loov Joe Brown dat Speel vun Eddie Murphy, beteken dat aver ok as nich ganz ehrlich. Den Film beteken he as den duffsten Instieg in dat Gewarf mit de Fanartikels.[2]
- Dat Lexikon vun’n internatschonalen Film schrifft vun en infallslose Actionkummedie, de vull op Eddie Murphy tosneden weer, man vun’t Tempo vun de Inszeneeren her nich an de eersten beiden Filmen rankummt, un jüst so wenig vun’n Spraakwitz her.[3]
Utteken
De Film is nich mit bekannte Filmpriesen uttekent worrn. In’t Johr 1995 weern aver John Landis un de Produzenten Mace Neufeld un Robert Rehme för de Golden Himbeer vörslahn as Slechtst Speelbaas un för dat Slechtst Remake oder Sequel.
Produkschoon
De Dreihbookschriever Steven E. de Souza hett den Film toeerst as en Oort Die Hard in’n Pleseerpark anleggt. Jeedeen vun sien Freetiet-Attrakschonen harr so üm un bi 10 Millionen US-Dollar un de hele Film ruchweg 70 Millionen US-Dollar köst. Man, nadem de Film The Distinguished Gentleman, in den ok Eddie Murphy de Hööftrull speelt hett, blots teemlich wenig inspeelt harr, hett Paramount Pictures beslaten, dat Budget op 55 Millionen US-Dollar to körten. De Film schüll sik dorüm mehr op de Polizeiarbeit un dat Rutfinnen kunzentreeren as op Actionszenen. Tietwies weer de Produkschoon sogor anhollen un de Spitz vun Paramount versöch, de Lasten mit dat Budget ünner Kontroll to bringen.Man an’t Enn leegen de Kosten sogor noch över 70 Millionen US-Dollar. Alleen 15 Millionen US-Dollar dorvun weern de Gaasch vun Eddie Murphy.
De Themenpark „Wonderworld“, de in’n Film wiest warrt is de California's Great America, ofschoonst en poor Ännern an’t Columbia Carousel und den Vortex roller coaster maakt worrn sünd. De Park liggt in Santa Clara, Kalifornien, un nich in Beverly Hills, as dat in’n Film vertellt warrt. De meisten Stunts in de 'Sky Whirl-Szeen weern in’t Studio opnahmen. In de Szeen hett ok George Lucas en Cameo-Optritt. Ok de Tunnels ünner’n Park weern in’t Studio dreiht.
Anners wat
Tyypsch för Speelbaas John Landis is, dat he in sien Filmen korte Gastoptreden an Filmmakers ünner sien Frünnen to vergeven. In dissen Film speelt ok verschedene Lüüd mit: Martha Coolidge (Fro an’n Ingang vun de Sekerheitsmess), Joe Dante (Gefängniswächter), George Schaefer (Mann in’t Gefängnis), George Lucas (Mann vör’t „Spider“-Fohrgeschäft), Arthur Hiller (Gast in de Bar), Ray Harryhausen (Gast in de Bar), Peter Medak (Mann an de Strateneck), Barbet Schroeder (Mann in’n Porsche), John Singleton (Füerwehrmann).
De Figur „Uncle Dave“ in’n Film is loos na dat Vörbild vun Walt Disney anleggt worrn.
Borns
- ↑ Kritik vun James Berardinelli op reelviews.net, afropen an’n 4. April 2013
- ↑ Kritik vun Joe Brown in de Washington Post vun’n 27. Mai 1994, afropen an’n 4. April 2013
- ↑ Beverly Hills Cop III in’t Lexikon vun’n internatschonalen Film