Warberich

Wapen	Koort
Basisdaten
Bundsland:	Noordrhien-Westfalen
Landkreis:	Höxter
Flach:	168,71 km²
Inwahners:	23.986 (2007)
Inwahnerdicht:	142 Inwahners pro km²
Hööch:	230 m över NN
Postleettallen:	34414
Vörwahl:	05641
Geograafsche Laag:	51° 29' n. B. 9° 08' ö. L.
Auto-Kennteken:	HX
Gemeenslötel:	05 7 62 036
Adress vun de Stadtverwalten:	Bahnhofstraße 28 34414 Warberich
Websteed:	www.warburg.de
Politik
Börgermeester:	Tobias Scherf (CDU)
Laag van de Stadt in den Landkreis

Warberich oder Warborg is ene Arzbischopsstadt in'n Kreis Höxter in Westfalen. Warborg liggt in Noordrhien-Westfalen, in Oostwestfalen an de Grenz to Hessen. De Stadt hett mehr as 20.000 Inwahners. De gröttste Vörstadt is Schkjerbe. Warberich is dat Middelzentrum vun ene Landweertschapsregion, ok wenn all Gemeenden in'n Kreis Städer sün.

Verkehr

Vun1849 af an gifft dat in Warberich en Bahnhoff un de Stadt is an den Iesenbahn-Verkehr anbunnen. Hüdigendags kann een ok mit den ICE noh Süüddüütschland föhren. Mit de Anslusssteed Warburg vun de A 44 (Oost-West-Verbinnen) is de Gegend an dat Autobahnnett anbunnen; de A 7 (Noord-Süüd-Ass) is nich wiet un löppt bi Kassel langs.

Historie

Dat geev hier en sassischen Adelssitz in't 8. Johrhunnert. Om 1000 geev dat hier en Borg vun Graaf Dodiko op de Wartberg.

Wegens de Daud vun de Graf Dodiko keem sien Land an den Bischop vun Patterbuorn. Nich veel later kreg de Bischop de Rechten vun den Graaf. In't 12. Johrhunnert kreeg de ole Stadt Stadtrecht. De Neestadt Wartberg is in dat 13. Johrhunnert vun den Bischop vun Patterbuorn gründ't wurrn. De ole un de niege Stadt worrn Liddmaten vun de Hanse. 1436 worrn de Steden verenigt. 1568 worr dat Raathuus twischen de vörmoligen Steder buut. De Dörtigjohrige Krieg weer för de Stadt de Grund för den Neddergang. Eerst 1892 harr Warburg de Schulden ut de Dörtigjohrig Krieg aftahlt.

Johann Conrad Schlaun worr 1695 in Nörde bi Warberich boren. Vun 1802 weer Warberich preuß’sch, man vun 1807 bet 1812 höör dat to Napoleon sien Königriek Westfalen. 1933 kreeg de Düütsche Zentrumspartei 67,2 % un de NSDAP 21,8 %. 1983 worr Warberich bi de Grünnung Liddmaat vun de Westfäälsche Hansebunn. De Börgermeester is Tobias Scherf vun de CDU. Hier gifft dat dat Gymnasium Marianum, wat ene ole School is. Dat Hamborger Bankhus Warburg hett sien Naam vun en Familiennaam, de vun düsse Stadt herkamen deit. Ook anner Steden in'n Kreis sünd in de Niege Hanse, ten Bispeel Höxter un Brakel.

Utkiek över de Ooltstadt mit den Biermannstoorn

Warbericher Sieten

• http://www.warburg.de
• http://www.thw-warburg.de
• http://www.marianer.de